Natalla Padolskaja zładziła viasielle ŭ druhi raz. U hości pryjšli Z-artysty i navat Piaskoŭ
Kab adśviatkavać 20 hadoŭ z momantu znajomstva, Natalla Padolskaja i Uładzimir Praśniakoŭ arhanizavali sabie maštabnaje viesialle.
Datu dla novaha viasiella artysty abrali nievypadkova: 5 červienia jany raśpisalisia 15 hadoŭ tamu. U hety dzień u roznyja hady adbyvalisia i inšyja važnyja dla pary padziei: u 2005 jany paznajomilisia, a ŭ 2015 naradziŭsia ich starejšy syn Arciemij.
Natalla pryznałasia ŭ instahramie, što jany maryli zrabić maštabnaje viasielle «ŭ honar 20-hodździa sumiesnaha žyćcia». Śpiavačka napisała: «My hanarymsia takoj ličbaj. My chacieli, kab našy dzieci bačyli takich ščaślivych mamu i tatu na śviacie kachańnia. My ŭdziačnyja našym darahim rodnym i lubimym siabram, jakija padzialili hety dzień z nami. My vas vielmi lubim».
Na śviata sabraŭsia ŭvieś rasijski bamond: Łarysa Dolina, Ryhor Leps, Piełahieja, Palina Haharyna, Alaksandr Reva i inšyja. Byŭ navat pres-sakratar Pucina Dźmitryj Piaskov razam z žonkaj Taćcianaj Naŭkaj.
Na viasielli byŭ dres-kod — usie hości i žanich ź niaviestaj byli ŭ biełym. Natalla navat źmianiła try sukienki: była kłasičnaja dla cyrymonii, elehantnaja dla viačery i mini dla solnaha vystupleńnia.
Uładzimira da arki ź biełych kvietak viali baćki, a ŭ hety momant hraŭ na biełym rajali Dźmitryj Malikaŭ.
Upieršyniu Natalla Padolskaja i Uładzimir Praśniakoŭ sustrelisia ŭ 2005 hodzie na supierpapularnym šou «Fabryka zorak». Biełaruska, jakoj tady było 23 hady, udzielničała ŭ piatym siezonie prajekta, a 37-hadovy Praśniakoŭ pryjšoŭ tudy jak zorny hość.
Niadaŭna Natalla pryznałasia ŭ instahramie, što spačatku budučy muž zdaŭsia joj vielmi pafasnym čałaviekam. Uładzimir ža skazaŭ, što jašče da znajomstva bačyŭ dziaŭčynu pa telebačańni: «Ja padumaŭ: «Jakaja mudraja dziaŭčyna. Sama maładzieńkaja, ale śpiavaje surjoznyja pieśni».
U tym ža 2005 artysty sustrelisia na zapisie spartyŭnaha šou «Vialikija honki» (u im zorki prachodzili pałasu pieraškod). Natalla kaža, što heta było tak, jak tradycyjna pakazvajuć u kino: apieratar zdymaje, jak para hladzić adno na adnaho, a ŭvieś śviet vakoł ich byccam by spyniajecca. Pa słovach śpiavački, jana adrazu zrazumieła, što Uładzimir jaje čałaviek. Jon ža kaža, što «adbyłasia chimija» — i biez kachanaj pobač jamu było ciažka dychać.
Praśniakoŭ byŭ tady aficyjna žanaty z madeljerkaj Alenaj Lenskaj. Razvod jon aformiŭ tolki ŭ 2006-m.
Raniej Natalla kazała ŭ intervju «Kamsamolskaj praŭdzie»: «Mnie siabry raspaviadali, što jany ź Lenaj byli ŭ stadyi rasstańnia. Pra toje, što jon žanaty, ja daviedałasia ad Ihara Nikałajeva. Ja ačmureła, kali ščyra. I my tady razyšlisia na paŭhoda».
Ažanilisia artysty ŭ červieni 2010 hoda.
Nahadajem: Natalla Padolskaja jość u bazie «Miratvorca» praz toje, što vystupała ŭ akupavanym Rasijaj Krymu. Publična jana imkniecca paźbiahać pytańniaŭ, źviazanych z raspačataj Pucinym vajnoj. Maksimum, jaki Natalla dazvalała sabie ŭ sacyjalnych sietkach — heta pisać, što molicca za mir. Ale heta nie pieraškadžała śpiavačcy vystupać na roznych prapahandysckich mierapryjemstvach. Praz heta Łatvija zabaraniła Padolskaj ujezd na svaju terytoryju.
Niadaŭna Padolskaja dla svajho jutub-kanała brała intervju ŭ kiraŭnicy RT Marharyty Simańjan, dzie abdymała jaje.
Jaje muž Uładzimir Praśniakoŭ vajnu padtrymlivaje adkryta. Naprykład, u 2022 hodzie jon zrabiŭ maštabny solny kancert — i ŭvieś svoj hanarar abiacaŭ pieraličyć rasijskim sałdatam na pieradavoj. Taksama śpiavak jeździŭ u vajskovyja špitali i vystupaŭ pierad pa ranienymi vajskoŭcami. U svaich intervju Praśniakoŭ padkreślivaje: «Liču važnym być pobač z Radzimaj, kali jana prachodzić praz surjoznyja vyprabavańni».
Ščodry svajak padaryŭ na viasielle 1200 falšyvych jeŭra z «banka prykołaŭ»
Anžalika Ahurbaš znoŭ vychodzić zamuž
Niaviesta ŭ Hrodnie trapiła ŭ balnicu pierad samoj rehistracyjaj. Viasielle prajšło ŭ stacyjanary
Błohier Siarhiej Biaspałaŭ raskazaŭ, čamu ažaniŭsia letaś, a adśviatkavaŭ heta tolki ciapier
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii22
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary