U niadzielu, 1 červienia, u centry Minska buduć abmiežavańni ruchu transpartu z-za praviadzieńnia mižnarodnaha tryjatłonnaha fiestyvalu Ironstar Minsk. Jak paviedamlaje staličnaja DAI, pierakryćci zakranuć asnoŭnyja vulicy ŭ pieršaj pałovie dnia.
Z 7:50 da 12:10 ruch abmiažujuć pa cotnym baku praśpiekta Pieramožcaŭ — ad vulicy Parkavaj da vulicy Ratamskaj, a taksama na źjeździe z MKAD.
Z 7:50 da 13:10 budzie abmiežavany ruch:
- pa praśpiekcie Pieramožcaŭ (ad vulicy Ratamskaj da vulicy Lenina);
- pa vulicy Lenina (ad praśpiekta Pieramožcaŭ da praśpiekta Niezaležnaści);
- pa praśpiekcie Niezaležnaści (ad Babrujskaj da płoščy Pieramohi, uklučajučy kalcavuju raźviazku);
- a taksama pa praśpiekcie Mašerava (ad Pieramožcaŭ da vulicy Daŭmana).
U miežach fiestyvalu adbuducca tryjatłonnyja spabornictvy na dźviuch dystancyjach: Ironstar (płavańnie — 1,9 km, viełahonka — 90 km, bieh — 21 km) i Olympic (płavańnie — 1,5 km, viełahonka — 40 km, bieh — 10 km).
Płavańnie projdzie na Minskim mory, viełahonka — pa praśpiektach Pieramožcaŭ i Niezaležnaści, a bieh — u parku Pieramohi.
Kamientary