Pavieł Libier prakamientavaŭ zajavu pra identyfikacyju siłavikami 1000 karystalnikaŭ dadatku «Novaja Biełaruś»
SK siońnia zajaviŭ, što identyfikavaŭ bolš za 1000 karystalnikaŭ prahramy «Novaja Biełaruś». Raspracoŭšyk prahramy Pavieł Libier prakamientavaŭ u fejsbuku situacyju.
«Siabry, stała viadoma, što biełaruskija siłaviki mohuć prychodzić da biznesaŭ z bajmapki, dumajučy, što heta i jość «Novaja Biełaruś», i ich za heta treba pieraśledavać. Pakul što my viedajem pra 2 pakajalnyja videa pa prymusie i jašče adzin vypadak. Bajmapka — asobny samastojny pradukt z asobnaj kamandaj, jaki złučaje ludziej i biznesy/servisy za miažoj. Usie danyja tam publičnyja i adkrytyja (!), prajekt uvohule nie palityčny», — kaža Pavieł Libier.
«Vy možacie ŭbačyć kantent adtul u dadatku SVAE (častka płatformy «Novaja Biełaruś»), bo SVAE ahrehuje iventy, mitapy, biznesy i inšaje z adkrytych krynic, ale biźniesy sami nie padajucca ŭ SVAE — ich nakiroŭvaje na sajt bajmapki. Sajt bajmapki nie maje ekstremisckaha statusu, tamu luby biźnies, da jakoha pryjšli, moža śmieła paćvierdzić, što ničoha nie parušaje i nie maje ničoha ahulnaha z dadatkam «Novaja Biełaruś» / SVAE. Kali vy chvalujeciesia za svaju biaśpieku — vy možacie vydalić svoj biznes — na sajcie bajmapki jość asabisty kabiniet», — zaznačaje Pavieł Libier.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary