Try čverci hramadzian krain Jeŭrapiejskaha sajuza padtrymlivajuć finansavuju i humanitarnuju dapamohu Ukrainie, try piatych uchvalajuć vajennuju dapamohu, amal try čverci — sankcyi suprać Rasii. Takija vyniki vialikaha apytańnia «Jeŭrabaromietr».
Zhodna z apublikavanymi ŭ sieradu vynikami apošniaha ahulnajeŭrapiejskaha apytańnia ŭ ramkach prahramy «Jeŭrabaromietr», finansavuju i humanitarnuju dapamohu Ukrainie ŭchvalajuć 76% respandentaŭ, piša Bi-bi-si.
Zakupku i pieradaču Jeŭrasajuzam Ukrainie zbroi i inšych vajennych hruzaŭ padtrymlivajuć 59% apytanych.
Sankcyi suprać Rasii ŭchvalajuć 72% jeŭrapiejcaŭ, a pryjom ukrainskich biežancaŭ — cełych 80%.
77% zhodnyja, što napad Rasii na Ukrainu źjaŭlajecca pahrozaj i dla Jeŭrasajuza.
Padčas čarhovaha, viasnovaha «Jeŭrabaromietra» z kanca sakavika da kanca krasavika byli asabista apytanyja bolš za 26 tysiač žycharoŭ krain Jeŭrapiejskaha sajuza i dzieviaci krain-kandydataŭ, a taksama Vialikabrytanii.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary