Тры чвэрці грамадзян краін Еўрапейскага саюза падтрымліваюць фінансавую і гуманітарную дапамогу Украіне, тры пятых ухваляюць ваенную дапамогу, амаль тры чвэрці — санкцыі супраць Расіі. Такія вынікі вялікага апытання «Еўрабарометр».
Згодна з апублікаванымі ў сераду вынікамі апошняга агульнаеўрапейскага апытання ў рамках праграмы «Еўрабарометр», фінансавую і гуманітарную дапамогу Украіне ўхваляюць 76% рэспандэнтаў, піша Бі-бі-сі.
Закупку і перадачу Еўрасаюзам Украіне зброі і іншых ваенных грузаў падтрымліваюць 59% апытаных.
Санкцыі супраць Расіі ўхваляюць 72% еўрапейцаў, а прыём украінскіх бежанцаў — цэлых 80%.
77% згодныя, што напад Расіі на Украіну з'яўляецца пагрозай і для Еўрасаюза.
Падчас чарговага, вясновага «Еўрабарометра» з канца сакавіка да канца красавіка былі асабіста апытаныя больш за 26 тысяч жыхароў краін Еўрапейскага саюза і дзевяці краін-кандыдатаў, а таксама Вялікабрытаніі.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы73
Каментары