Akcyjaniery adnaho z najbujniejšych bankaŭ Biełarusi, Pryjorbanka, vyrašyli vykupić dolu, jakaja ciapier naležyć dziaržavie. Pavodle infarmacyi banka, rašeńnie ab hetym było pryniata padčas schodu akcyjanieraŭ, jaki adbyŭsia niadaŭna, piša Sputnik.
Pakul dakładna nie paviedamlajecca, jaki mienavita abjom dziaržaŭnych akcyj budzie vykupleny i na jakuju sumu płanujecca ździełka. U banku adznačyli, što padrabiaznaści pakul nie ŭvachodziać u kampietencyju jaho kiraŭnictva, ale pry nieabchodnaści dadatkovaja infarmacyja budzie dadziena paźniej.
Pavodle danych z sajta «Pryjorbanka», dziaržava ŭ asobie Dziaržkammajomaści vałodaje 6,31% akcyj.
Hety bank byŭ zasnavany jašče ŭ 1989 hodzie pad nazvaj «Minski inavacyjny bank». Siarod jaho pieršych akcyjanieraŭ byli viadomyja biełaruskija zavody, takija jak MTZ, MAZ, «Intehrał» i inšyja. Z 2003 hoda asnoŭnym ułaśnikam banka stała aŭstryjskaja hrupa Raiffeisen, ale ŭ 2024 hodzie jana pradała svaju dolu kampanii SOVEN 1 Holding Limited z AAE, jakaja ciapier vałodaje bolš za 87% akcyj.
Pryjorbank uvachodzić u pieršuju hrupu sistemna značnych bankaŭ Biełarusi pavodle kłasifikacyi Nacbanka. Akramia jaho, u hetuju hrupu ŭvachodziać dziaržaŭnyja Biełarusbank i Biełahraprambank, a taksama Alfa-Bank, źviazany z rasijskaj strukturaj.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary