U spravazdačnaści hrupy Raiffeisen za 2024 hod adlustravanyja vyniki prodažu doli ŭ Pryjorbanku. Z hetych danych vynikaje, što cana ździełki skłała 215 miljonaŭ jeŭra pry ahulnym košcie banka pa kapitale ŭ 599 miljonaŭ jeŭra, piša Myfin.by.
Acenačna dola «Rajfajzen hrup» u kapitale Pryjorbanka — heta 526 miljonaŭ jeŭra (zychodziačy z pakieta ŭ 87,74%). Heta značyć, što biełaruski aktyŭ pradali z dyskontam u 60%.
Biełaruskija aŭdytary, apytanyja Myfin.by, nazyvajuć taki dyskont «ekstremalnym». Samo pa sabie toje, što bank pradajecca z dyskontam, — narmalna. Ale dla rehijonu SND usio ž redkaść, kali košt banka aceńvajecca nižej, čym 0,5 ułasnaha kapitału.
Adnak ža, na dumku krynicy ź inviestycyjnaha fondu, dyskont u 60 % całkam adpaviadaje praktykam, jakija skłalisia na rasijskim rynku ŭ adnosinach da vychadu «niedružalubnych» inviestaraŭ, jakija pažadali pakinuć rynak. Tak, ciapier dyskont vyznačany na ŭzroŭni 60% ad niezaležnaj acenki aktyvaŭ, paćvierdžanaj ekśpiertyzaj.
Akramia taho, pradaviec abo kupiec pavinien vypłacić u biudžet 35%-ny padatak (adnačasova abo ŭ rasterminoŭku) ad acenačnaha koštu aktyvu. U vypadku z prodažam Pryjorbanka abmiežavalisia, adnak, dyskontam u 60%.
29 listapada minułaha hoda hrupa Raiffeisen zaviaršyła prodaž kampanii Soven 1 Holding Limited 87,74% akcyj AT «Pryjorbank», uzhodnieny ŭ vieraśni 2024 hoda. U suviazi z hetym z kansalidavanaha vyniku hrupy vyklučany jak sam bank, tak i jaho daččynyja kampanii — «Rajfajzen lizinh» i TAA «Pryjorłajf».
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary