Z 24 maja 2025 hoda ŭ Biełarusi ŭstupili ŭ siłu źmieny ŭ Rehłamient pracy Savieta Ministraŭ. Jany byli zaćvierdžanyja pastanovaj №279 ad 20 maja i apublikavanyja na Nacyjanalnym pravavym internet-partale.
Ciapier vice-premjery atrymali bolš šyrokija paŭnamoctvy. Jany mohuć samastojna prymać rašeńni pa pytańniach, uklučanych u paradak dnia Savieta Ministraŭ, davać daručeńni, kantralavać ich vykanańnie i prapanoŭvać miery adkaznaści, kali daručeńni nie vykonvajucca.
Taksama im dazvolena papiarednie aceńvać, ci dastatkovyja miery prymajucca padnačalenymi orhanami ŭłady dla vyrašeńnia biahučych prablem, i bieź lišniaj pierapiski arhanizoŭvać abmierkavańnie prapanoŭ z ekśpiertami i kiraŭnictvam dziaržaŭnych ustanoŭ.
Akramia taho, usie prajekty narmatyŭna-pravavych aktaŭ, jakija tyčacca biznesu, ciapier abaviazkova pavinny być uzhodnienyja z Radaj pa raźvićci pradprymalnictva pierad tym, jak ich razhledzić Saviet Ministraŭ.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary