U apošni tydzień maja, z 26 maja pa 1 červienia, biełarusy mohuć raźličvać na kamfortnaje, umierana ciopłaje nadvorje. Pra heta raskazaŭ viadomy sinoptyk Dźmitryj Rabaŭ u efiry telekanała ANT.
Paśla niezvyčajna chałodnaha pačatku maja nadvorje pačnie palapšacca, choć jano zastaniecca niaŭstojlivym. U pieršaj pałovie tydnia čakajucca daždžy, jakija pryniasuć vilhotnyja pavietranyja masy z paŭdniova-ŭschodniaj Jeŭropy. Vilhotnaść pavietra budzie dasiahać 90%.
U paniadziełak dniom budzie +10…+19°C, u aŭtorak — ad +14 da +19°C, nočču taksama davoli ciopła — +9…+15°C, biez zamarazkaŭ.
U sieradu stanie jašče ciaplej, daždžoŭ stanie mienš — jany buduć karotkačasovymi i łakalnymi. Unačy čakajecca +10…+15°C, udzień — +17…+21°C.
U čaćvier i piatnicu mahčymyja karotkačasovyja daždžy i tumany ŭnačy i ranicaj. Vilhotnaść da 90%. U čaćvier udzień budzie +17…+20°C, u piatnicu — ad +10°C u Hrodnie da +18°C u Homieli, nočču — +10…+15°C.
U vychadnyja — 31 maja i 1 červienia — istotnych źmien nie čakajecca: buduć nievialikija i karotkačasovyja daždžy, nočču i ranicaj — tumany. Nočču tempieratura składzie +8…+13°C, udzień — da +18°C u subotu i da +20°C u niadzielu.
Takim čynam, tydzień abiacaje być davoli kamfortnym, biez ekstremalnych siurpryzaŭ z boku nadvorja.
Kamientary