U Polščy praciahnuli zabaronu padačy zajaŭ na mižnarodnuju abaronu na miažy
21 maja polski Siejm bolšaściu hałasoŭ padtrymaŭ rašeńnie praciahnuć časovuju zabaronu na padaču zajaŭ na mižnarodnuju abaronu na miažy ź Biełaruśsiu.
Premjer-ministr Polščy Donald Tusk pry razhladzie zakonaprajekta patłumačyŭ, što choć prava na prytułak i važnaje, im nie pavinny karystacca takija subjekty, jak rasijskija i biełaruskija ŭłady, kantrabandysty i bandyty. Jon taksama zajaviŭ, što sučasnaja mihracyja — heta, pa sutnaści, adna z formaŭ ahresii suprać Polščy.
Za praciah abmiežavańnia prahałasavali 366 deputataŭ, suprać — 17, nichto nie ŭstrymaŭsia.
Spačatku hetaja miera była ŭviedzienaja pastanovaj ad 27 sakavika na 60 dzion, tamu dla jaje padaŭžeńnia spatrebiłasia zhoda parłamienta.
Pavodle Tuska, hałoŭnaj metaj urada było «nieadkładna zakryć miažu», kab bolš nie dapuścić situacyi, kali «ŭ Polšču zachodzić kožny, chto zachoča». Jon adznačyŭ, što ciapierašniaja chvala mihracyi nie tolki niezakonnaja, ale i maje masavy charaktar.
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary