U staličnaj Łošycy chutka adčynicca fizkulturna-azdaraŭlenčy centr «Mandaryn», jaki raźmieščany na vulicy Ja. Łučyny. Pavodle infarmacyi telehram-kanała «Minskbud», FAK adkryjecca ŭ najbližejšy čas.
Spartkompleks pačaŭ budavać u 2021 hodzie polski zabudoŭščyk na pryciahnuty kredyt. Adnak z-za deficytu srodkaŭ pracy daviałosia prypynić, damovu z palakami skasavali.
Budaŭnictva adnaviłasia na pačatku minułaha hoda. Zakazčykam vystupiła pradpryjemstva «Akva-Minsk», jakoje vałodaje akvaparkam, haścinicami, miedycynskim centram i niekalkimi minskimi fizkulturna-azdaraŭlenčymi centrami.
Prajektnyja raboty vykanali śpiecyjalisty «Minskprajekta». Darečy, «Mandaryna» ŭ Łošycy budavali pa ŭzoru jašče adnaho «Mandaryna», što pracuje ŭ Zavodskim rajonie stalicy.
U łošyckim «Mandaryna» budzie try basiejny: adzin dla darosłych i dva dla dziaciej. Akramia taho, tut adkryjucca dźvie ruskija łaźni, finskaja saŭna i chamam. Pobač z łaźnievym kompleksam budzie kupiel. Taksama jość salany pakoj i džakuzi. Jašče ŭ składzie kompleksu — trenažornaja zała i zona adpačynku ź ležakami.
Interjer centra vykanany ŭ ekastyli: tut buduć tryśniahovyja naviesy, draŭlanyja siadzieńni i abšyŭka ścien, jakaja imituje zrub. Akvazona ŭpryhožana dekaratyŭnymi raślinami, a taksama mini-sažałkaj z rybkami. U faje kompleksu jość vadaspad sa šklanoj ścianoj i padśvietkaj.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Davajcie ŭsiu krainu pierasielim u Miensk, a vyzvalenyja terytoryi zdadzim u arendu kitajcam dy budziem žyć prypiavajučy, jak u Luksiemburhu.