U Minsku z aŭkcyjonu pradajuć kvateru płyŭčychi Alaksandry Hieracimieni
U Minsku na tarhi vystaŭleny čatyrochpakajovaja kvatera i parkovačnaje miesca. Abjavy źjavilisia na sajcie «Bielurazabieśpiačeńnie» piša «Lusterka».
Čatyrochpakajovaja kvatera raźmieščana na vulicy Filimonava. Jaje ahulnaja płošča — 120,5 kvadratnaha mietra. Siarod składanaściaŭ — aryšt śledčych orhanaŭ. U kvatery zarehistravany try čałavieki, u tym liku adzin niepaŭnaletni. Daŭžnikom ukazana Hierasimienia Alaksandra Viktaraŭna — poŭnaja ciozka biełaruskaj spartsmienki. Jana ž ukazana ŭ abjavie ab prodažy mašynamiesca pobač z domam, u jakim pradajecca kvatera.
Tarhi pryznačany na 19 žniŭnia.
Raniej paviedamlałasia, što ŭ viadomaj płyŭčychi Alaksandry Hierasimieni i jaje ŭžo byłoha muža Jaŭhiena Curkina jość čatyrochpakajovaja kvatera ŭ stalicy na vulicy Filimonava.
U śniežni 2022 hoda Minski haradski sud ahučyŭ prysud trochrazovaj miedalistcy Alimpijskich hulniaŭ Alaksandry Hierasimieni i spartyŭnamu funkcyjanieru Alaksandru Apiejkinu. Ich pryznali vinavatymi pa č. 3 art. 361 KK (Zakliki da mieraŭ abmiežavalnaha charaktaru (sankcyj), inšych dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś). Alaksandra Hierasimienia i Alaksandr Apiejkin atrymali pa 12 hadoŭ kałonii. Heta maksimalny termin pa hetym artykule.
Akramia taho, u Alaksandry Hierasimieni kanfiskavana majomaść: bolš za 48 tysiač dalaraŭ na rachunkach, mašyna Land Rover, mabilnyja telefony, kvatera, mašynamiesca, chaładzilnik, hukavaja sistema i h.d. Usio heta pajšło ŭ zalik pahašeńnia hramadzianskaha isku.
U kancy śniežnia 2022 hoda spartsmienka raspaviała «Našaj Nivie», što «aryštavanaja kvatera nie ŭ majoj ułasnaści, jak i haraž i ŭsio, što ŭnutry kvatery i haraža». «Heta kvatera majho blizkaha svajaka, i tam prapisana, akramia mianie i muža, dačka, tamu ja nie viedaju, jak jany mohuć jaje zabrać. Ale ŭ našaj krainie niama nijakich zakonaŭ», — adznačała Alaksandra Hierasimienia.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary
A inšyja kanfiskavanyja? Dzie proźviščy?
Chočietsia vieriť, za vsie otvietiat! Tak dołžno byť!