Jon pamior dva hady tamu, 11 lipienia 2023 hoda, pry niavyśvietlenych abstavinach u turmie ŭ Hrodnie.
Mastaku Alesiu Puškinu siońnia mahło spoŭnicca 60 hadoŭ.
Jon naradziŭsia 6 žniŭnia 1965 hoda ŭ miastečku Bobr Krupskaha rajona. U 1980-ch dałučyŭsia da nacyjanalnaha ruchu. Braŭ udzieł u akcyjach adradžeńnia.
Mastaka spačatku zatrymali 30 sakavika 2021 hoda pa spravie ab nibyta reabilitacyi nacyzmu: na vystavie ŭ Hrodnie byŭ partret antysavieckaha partyzana Aŭhiena Žychara.
Na momant zaviadzieńnia spravy mastak byŭ u Kijevie, ale śpiecyjalna viarnuŭsia ŭ Biełaruś, kali spravu zaviali. Jaho zatrymali praź piać dzion u Žyličach, dzie pracavaŭ na restaŭracyi pałaca.
Alesia Puškina abvinavacili pavodle č. 3 art. 130 KK (reabilitacyja nacyzmu), a taksama pavodle art. 370 KK (ździek ź dziaržaŭnych simvałaŭ) za raniejšyja akcyi.
25 sakavika 2022 hoda Aleś padčas sudovaha pracesu parezaŭ sabie žyvot na znak pratestu. Za heta jaho na 13 sutak źmiaścili ŭ karcar.
30 sakavika 2022 hoda Alesia Puškina asudzili da piaci hadoŭ źniavoleńnia ŭ kałonii strohaha režymu. Administracyja kałonii №22 u žniŭni pakarała jaho piaćciu miesiacami ŭ PKT.
Viasnoj 2023 hoda jaho pieraviali ŭ hrodzienskuju turmu. U jaho była prabadnaja jazva, vyratavać jaho nie zdoleli. Jon pamior u noč na 11 lipienia.
Siońnia ŭ Varšavie ŭ Muziei Volnaj Biełarusi ŭ Varšavie adbudziecca ŭračystaje adkryćcio vystavy «Zastacca / Zostać», pryśviečanaj 60-hodździu Alesia Puškina.
Hety prajekt nie stolki pra samoha Alesia Puškina, kolki pra temy i vobrazy, jakija byli centralnymi ŭ jaho tvorčaści i žyćci, i jakija praciahvajuć žyć siońnia praź inšych mastakoŭ i mastačak
U ekspazicyi buduć pradstaŭleny pracy nastupnych mastakoŭ i mastačak: Ksiša Anhiełava, Nina Marhajeva, Śviatłana Bajeva, Alaksiej Vrubleŭski, Julija Miekies, Dead Boy,Ksienija Łahavaja, @bieły, Lera Łazuk, Kasia Varaksa, Śviatasłaŭ Kamaroŭ, Jarasłaŭ Hamołka, Michaił Hulin, Andrej Duchoŭnikaŭ, Illa Dudaraŭ.
Vystava budzie pracavać da 20 žniŭnia.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary