Premjer-ministr Polščy Donald Tusk paśla telefonnaj razmovy z prezidentam ZŠA Donaldam Trampam vykazaŭ mierkavańnie, što napieradzie mohuć być «vielmi ciažkija dni». Pra heta piša polskaje vydańnie RMF24.
Prezident Ukrainy Uładzimir Zialenski razam z premjeram Vialikabrytanii Kiram Starmieram, prezidentam Francyi Emanuelem Makronam, fiederalnym kancleram Hiermanii Frydrycham Miercam i premjer-ministram Polščy Donaldam Tuskam siońnia pahavaryli pa telefonie z prezidentam ZŠA Donaldam Trampam. Razmova adbyłasia nieŭzabavie paśla zaviaršeńnia rasijska-ŭkrainskich pieramovaŭ u Stambule.
Paśla zvanka Tusk zajaviŭ žurnalistam, što rasijski bok nie mieŭ namieru vieści pieramovy ŭ prysutnaści amierykanskaha boku. Taksama, ź jahonych słoŭ, rasijski bok pastaviŭ umovy, jakija «byli nieprymalnyja nie tolki dla Ukrainy, ale i dla ŭsich nas».
Tusk padkreśliŭ, što palityki buduć praciahvać pracavać nad miram va Ukrainie. Jon dadaŭ, što hałoŭnaj zadačaj budzie zachavańnie adzinstva Jeŭropy i ZŠA pa hetym pytańni.
«My nie ŭtojvajem, što pazicyju Rasii ciažka nazvać kanstruktyŭnaj. Nas, vierahodna, čakajuć vielmi ciažkija dni», — adznačyŭ jon.
Raniej ŚMI pisali, što delehacyja Rasii na pieramovach z Ukrainaj u Stambule vystaviła patrabavańni, jakija źjaŭlajucca «nierealistyčnymi» i «vychodziać daloka za ramki taho, što kali-niebudź abmiarkoŭvałasia». U pryvatnaści, nibyta havorka išła pra vyvad ukrainskich vojskaŭ ź niekalkich rajonaŭ u abmien na spynieńnie ahniu.
Ministr zamiežnych spraŭ Turcyi Hakan Fidan paviedamiŭ, što pa vynikach sustrečy baki damovilisia, u pryvatnaści:
- pravieści abmien pałonnymi «tysiača na tysiaču»;
- abmianiacca prapanovami ab spynieńni ahniu ŭ piśmovym vyhladzie;
- «pryncypova» sustrecca znoŭ.
Pierad pieramovami prezident Ukrainy Uładzimir Zialenski kazaŭ, što kali na pieramovach nie zmohuć uzhadnić prynamsi spynieńnie ahniu, to heta budzie «100-pracentnym paćviardžeńniem taho, što Pucin praciahvaje padryvać dypłamatyju».
Umieraŭ i Miadzinski vystupili z karotkimi zajavami pa vynikach pieramoŭ. Zialenski i lidary ES razam sazvanilisia z Trampam
Kramloŭskaja mietadyčka ŭžo nastrojvaje prapahandystaŭ, jak treba pisać pra pravał pieramoŭ u Stambule
Makron i Starmier upeŭnienyja, što stanovišča va Ukrainie źmienić tolki cisk na Maskvu
Miadzinski: Budziem vajavać, kolki treba. Sa šviedami vajavali 21 hod
Delehacyi Ukrainy i Rasii na pieramovach u Stambule razmaŭlali praź pierakładčyka
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary