Delehacyi Ukrainy i Rasii na pieramovach u Stambule razmaŭlali praź pierakładčyka
U Stambule prajšli pieramovy Ukrainy i Rasii.
Pradstaŭniki Ukrainy na pieramovach u Stambule razmaŭlajuć z členami rasijskaj delehacyi praź pierakładčyka, paviedamiŭ telekanał «My — Ukraina» sa spasyłkaj na krynicy ŭ ŭkrainskaj delehacyi. Hetuju infarmacyju taksama paćvierdziła krynica ahienctva «Interfaks-Ukraina».
Padčas papiarednich pieramovaŭ pamiž Rasijaj i Ukrainaj u 2022 hodzie kamunikacyja adbyvałasia bieź pierakładčyka.
Pieramovy pamiž Rasijaj i Ukrainaj u Stambule pačalisia z pryvitalnaha słova ministra zamiežnych spraŭ Turcyi Chakana Fidana. Paśla hetaha tranślacyju na tureckim telebačańni spynili.
«Ja chaču pačać svaju pramovu słovami: «Sardečna zaprašajem u Stambuł!» u suviazi z adnaŭleńniem pieramovaŭ pamiž Ukrainaj i Rasijaj», — pačaŭ Fidan.
Jon adznačyŭ, što Turcyja vieryć u toje, što hetyja pieramovy pryviaduć da mahčymaści dasiahnieńnia miru.
Akramia Fidana, na adkryćci pieramovaŭ prysutničaŭ kiraŭnik tureckaj słužby biaśpieki Ibrahim Kałýn.
Napiaredadni rasijskaje ahienctva «Interfaks» sa spasyłkaj na svaje krynicy paviedamiła, što Turcyja pakinie pramyja pieramovy pamiž Rasijaj i Ukrainaj u Stambule paśla ŭstupnaha słova. Dalej pieramovy prachodziać u zakrytym farmacie.
Krynicy va ŭkrainskaj delehacyi raspaviali Bi-bi-si, što vałodajuć infarmacyjaj: paśla pieramovaŭ i pres-kanfierencyi rasijanie płanujuć adrazu ž vyjechać u hatel, a zatym — u aeraport.
«Heta taksama śviedčyć pra toje, što jany mohuć być niesurjozna nastrojeny», — paviedamili ŭkrainskija pieramoŭščyki.
«U apošni momant rasijanie vyłučyli patrabavańnie, kab amierykancy nie prysutničali na sustrečy. Na našu dumku, heta sproba sarvać abo asłabić mirny praces. Kali b jany sapraŭdy pryjechali vyrašać pytańni i rabić kroki da miru, jany byli b zacikaŭleny ŭ tym, kab amierykancy prysutničali ŭ zale».
«Nam siońnia patrebny kankretny vynik pa vynikach hetych pieramovaŭ. Vynikam moža stać, naprykład, zajava rasijan: my hatovyja spynić ahoń.
A kali hetaha niama — budzie zusim inšaja razmova. Razmova pra toje, što treba ŭzmacniać cisk da taho času, pakul nie źjavicca kanstruktyŭ», — adznačyli ŭkrainskija pradstaŭniki.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ82
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary