Abmien usich pałonnych i spynieńnie ahniu. Zialenski nazvaŭ temy dla pieramovaŭ z Pucinym u Stambule
Prezident Ukrainy padkreśliŭ, što sustreča z Pucinym u Stambule, kali jana adbudziecca, nie pavinna być tolki simvaličnaj.
Prezident Ukrainy Uładzimir Zialenski zajaviŭ u intervju Liberation, što maje namier abmierkavać z rasijskim lidaram Uładzimiram Pucinym abmien usich pałonnych i spynieńnie ahniu.
Zialenski padkreśliŭ, što sustreča z Pucinym u Stambule, kali jana adbudziecca, nie pavinna być tolki simvaličnaj.
«My pavinny vyjści z palityčnaj pieramohaj — spynieńniem ahniu, abmienam usich pałonnych na ŭsich pałonnych abo niečym padobnym», — skazaŭ jon.
Na dumku prezidenta Ukrainy, dla dasiahnieńnia vyniku nieabchodnyja mižnarodnyja pasredniki, bo «Rasija nie budzie daviarać nam, my nie budziem daviarać Rasii».
Takim pasrednikam, pavodle jaho słoŭ, mahli b vystupić ZŠA. Zialenski vykazaŭ mierkavańnie, što ŭdzieł prezidenta ZŠA Donalda Trampa ŭ pieramovach moža stać šturškom dla taho, kab Pucin asabista pryjechaŭ u Stambuł.
«Kali Pucin nie pryjedzie, heta budzie vyhladać dla jaho jak poŭnaja paraza», — zajaviŭ Zialenski.
10 maja Ukraina i jaje jeŭrapiejskija sajuźniki zaklikali Rasiju abviaścić 30-dzionnaje spynieńnie ahniu, pačynajučy z paniadziełka, 12 maja. Niekalki hadzin paśla hetaha prezident RF Uładzimir Pucin prapanavaŭ pramyja pieramovy z Ukrainaj, jakija mohuć pačacca ŭ čaćvier, 15 maja, nahadvaje «Mieduza».
Zialenski paćvierdziŭ, što hatovy sustrecca z Pucinym asabista. Pry hetym, ułady RF dahetul aficyjna nie abviaścili, chto ŭznačalić rasijskuju delehacyju ŭ Stambule. Ukrainski bok zajaviŭ, što Zialenski budzie vieści pieramovy tolki z Pucinym.
Na pieramovy ŭ Turcyju źbirajucca:dziaržaŭny sakratar ZŠA Marka Rubia, śpiecpasłańniki prezidenta ZŠA Styŭ Uitkaf i Kit Kiełah.
Kiełah raniej zajaŭlaŭ, što Donald Tramp prylacić na pieramovy, kali na sustreču pryjedzie Pucin.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary