Chutka niedaloka ad Vajskovaj akademii na vyjeździe ź Minska adkryjecca novy dziciačy sad. Jon vyhladaje davoli nietypova: fasady pafarbavanyja ŭ žyćciaradasnyja adcieńni i ŭpryhožanyja hiermietyčnymi elemientami.
Padrabiaznaści paviedamlaje telehram-kanał kampanii «Minskbud».
Dziciačy sad raźmieščany ŭ miežach praśpiekta Niezaležnaści — vulicy Fohiela — vulicy Hurćjeva. Ciapier budaŭniki tresta №1 zaviaršajuć čystavuju azdableńnie. Užo zavozicca mebla, prybyło abstalavańnie dla kuchni, a siońnia dastavili dva rajali.
Na prylehłaj terytoryi mancirujucca cieniavyja naviesy, abstaloŭvajucca spartyŭnaja i hulniavaja zony — pakul nie ŭ poŭnym abjomie, bo nie zavieršana dobraŭparadkavańnie. Ale chutka ŭsie małyja architekturnyja formy zojmuć svaje miescy.
— Fasady radujuć aryhinalnaściu i jaskravaj kalarovaj palitraj, — pišuć pradstaŭniki «Minskbuda». — Biez sumnievu, usio atrymałasia dakładna jak było zadumana. Spadziajomsia, što dzietkam spadabajecca.
Novaja daškolnaja ŭstanova raźličana na 230 miescaŭ. Budynak pamieram 62,06 × 62,06 m składajecca z čatyroch trochpaviarchovych błokaŭ, abjadnanych vakoł dvuch– i trochpaviarchovaha centra z ahulnymi pamiaškańniami: administracyjna-bytavymi, spartyŭnymi, muzyčnymi i ŭniviersalnymi załami.
U sadzie praduhledžany kabiniety nastaŭnika-defiektołaha, dla zaniatkaŭ dziciačaj tvorčaściu, a taksama kampjutarny, hulniavy i miedycynski pakoi.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod3
Kamientary