Iran vypuściŭ aficyjnaje paviedamleńnie ab zakryćci pavietranaj prastory dla cyvilnych samalotaŭ. Vyklučeńnie zroblena dla mižnarodnych rejsaŭ, jakija nakiroŭvajucca ŭ krainu abo vylatajuć ź jaje pa śpiecyjalnym dazvole, piša Bi-bi-si.
Taksama paviedamlajecca, što Pavietrana-kaśmičnyja siły KVIR i sistemy supraćpavietranaj abarony Irana pryviedzieny ŭ stan pavyšanaj bajavoj hatoŭnaści.
U toj čas jak prezident ZŠA Donald Tramp razhladaje mahčymaść vajskovaj apieracyi suprać Irana praz žorstkaje padaŭleńnie antyŭradavych pratestaŭ, Pientahon skaračaje kolkaść piersanału na avijabazie Al-Udejd u Katary.
Pavodle infarmacyi Bi-bi-si, z avijabazy Al-Udejd vyvodzicca taksama častka brytanskaha vajskovaha piersanału.
Vialikabrytanija taksama časova zakryła svajo pasolstva ŭ Tehieranie — jano budzie pracavać dystancyjna.
Aficyjnyja asoby paviedamili CBS, što častkovy vyvad amierykanskich vojsk nosić previentyŭny charaktar.
Al-Udejd — adna z najvažniejšych amierykanskich vajskovych baz na Blizkim Uschodzie; tam pastajanna dysłakujucca kala 10 tysiač vajskoŭcaŭ i cyvilnych supracoŭnikaŭ.
Iranskija ŭłady pryhrazili nanieści ŭdary pa amierykanskich vajskovych bazach u rehijonie ŭ vypadku ataki ZŠA. Pasoł Vialikabrytanii i ŭsie supracoŭniki dypłamatyčnaha pradstaŭnictva byli evakujavany na padstavie acenki situacyi i rašeńnia, jakoje addaje pryjarytet biaśpiecy piersanału, paviedamiŭ pradstaŭnik brytanskaha ŭrada.
-
Pieramovy Kijeŭ — Maskva — Vašynhton projduć u pačatku listapada
-
Pamior biznesmien Łučanski, jakoha časopis Time u 1990‑ch nazvaŭ «samym niebiaśpiečnym niazłoŭlenym złačyncam u śviecie»
-
«Nu što, pindos, navajavaŭsia? Zaraz my tabie pakažam». Jak ździekvalisia ŭ rasijskim pałonie z amierykanca Chabarda, jakoha vypuściŭ Pucin
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary