Za sprobu niezakonnaha ŭvozu na terytoryju JEAES partyi aŭtazapčastak kiroŭca rejsavaha aŭtobusa «Varšava — Minsk» budzie pryciahnuty da adkaznaści, paviedamlaje Dziaržaŭny mytny kamitet.
Rejsavy aŭtobus ruchaŭsia z Varšavy praz punkt propusku «Brest» pa aŭtobusnym kalidory. Padčas vusnaha apytańnia kiroŭca zajaviŭ, što nie maje pry sabie tavaraŭ, jakija padlahajuć mytnamu dekłaravańniu. Adnak pry ahladzie transpartnaha srodku mytniki znajšli ŭ technałahičnaj połaści aŭtobusa kranštejny, kłapany i inšyja aŭtazapčastki. Dostup da schavanaha ŭdałosia atrymać tolki paśla demantažu viečka. Ahulny košt nieadlustravanych u dekłaracyi zapčastak skłaŭ kala 15 tysiač rubloŭ.
Paźniej mužčyna rastłumačyŭ, što ŭ Varšavie jaho paprasili pieravieźci hetyja tavary za ŭznaharodžańnie, a schavaŭ jon ich, kab paźbiehnuć apłaty mytnych płaciažoŭ.
Aŭtazapčastki i aŭtobus 2012 hoda vypusku ahulnym koštam bolš za 400 tysiač rubloŭ kanfiskavany da rašeńnia suda.
U dačynieńni da kiroŭcy Bresckaj mytniaj raspačaty administracyjny praces zhodna z č. 2 art. 15.1 KaAP.
Ciapier jamu pahražaje štraf da 30 bazavych vieličyń, a transpartnaja kampanija moža stracić aŭtobus, bo sankcyja artykuła praduhledžvaje mahčymaść kanfiskacyi transpartnaha srodku. Što pry hetym adbyłosia z pasažyrami — nie paviedamlajecca.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary