Biełarusy za adnu noč sabrali dla Śviatłany Kurs u paŭtara razu bolš, čym jana prasiła. Heta nie tolki pakazčyk pavahi narodu da svaich pieśniaroŭ. Heta jašče i znak, što łukašenkaŭskaj ahientury nie ŭdałosia razvalić fondy salidarnaści i niezaležnyja ŚMI, piša Mikoła Buhaj.
«Pa što idzieš, voŭča? — Pa apošniaje». Vakoł hetaj strašnaj prykazki, u jakoj skancentravaŭsia fatalny dośvied našaha narodu, budujecca nazva ramana Jevy Viežnaviec (Śviatłany Kurs).
Zhraja łukašystaŭ apošnija hady nastojliva kružlała vakoł dvuch bazavych instytutaŭ: fondaŭ salidarnaści i ŚMI.
U ich mietadach nie było ničoha zvyšnaturalnaha: raspalvali zajzdraść, siejali niedavier, miašali praŭdu ź niapraŭdaj. Jany nie tupyja, jany nie majuć iluzij: niemahčyma prymusić palubić režym. Im dastatkova, kab ludzi rasčaravalisia ŭ luboj sistemnaj dziejnaści. Usio prymityŭna, ale na kahości ž uździejničali voś takija vykazvańni (cytuju ŭ aryhinale, niekaha vy i paznajecie).
«Łhať, kidať na dieńhi pod vidom okazanija pomoŝi — otlično».
«Treba škadavać biełarusaŭ, bo ad jch imia, ich ža i padmanavajuć, ad ich imia, ŭ ich ža samich kraduć nadziei na viartańnie i na toje, što ŭ krainie budzie stvorana niešta lepšaje, čym jeść sieńnia».
«O božie, śmi vrut. Pokažitie kakije nie vrut?)»
Nie tolki dla Śviety Kurs biełarusy za adnu noč sabrali u paŭtara razu bolš, čym jana prasiła. Toje samaje było z Daniłam Harkavym.
My viedajem i hanarymsia hetym jak ničym: jak tolki «Naša Niva» piša pra zbor salidarnaści, tam imhnienna raście suma. Bo heta nie tolki pakazčyk pavahi narodu da svaich pieśniaroŭ ci pakutnikaŭ. Heta jašče i znak davieru da nas.
Z 2020 hoda biełaruski narod vyjšaŭ z mocnaj zvyčkaj uzajemadapamohi.
Ale kali b nie było fondaŭ salidarnaści, to nie było b kamu źbirać hrošy. Tamu ich kiraŭnikoŭ i abviaščajuć terarystami.
Kali b nie było ŚMI, to infarmacyja nie vychodziła b za bulki siabroŭ u sacsietkach. Tamu ahientura tak hryzie i «Našu Nivu», i «Lusterka», tamu Biełaruś u suśvietnych lidarach pa kolkaści źniavolenych žurnalistaŭ.
Daj boh Śviecie adužać. Jana kryvinka svajho naroda, jana praniesła i zachoŭvaje i movu ŭ jaje čyścini, i duch. Za heta jaje tak lubiać. Daj boh joj pabačyć svoj narod u jaho vialikaj sile — jašče bolšaj, čym u 2020-m.
Tolki tady vaŭki padcisnuć svaje ablezłyja chvaściary.
* * *
Padtrymać Śviatłanu Kurs, daŭšy joj šaniec na žyćcio, možna pa spasyłcy.
A nakolki śvietły i mudry čałaviek Śviatłana Kurs, možna pierakanacca, pahladzieŭšy jaje intervju ŭ našaj prahramie «Tok».
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik26
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1212
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć12
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
Ale ja viedaju niekatorych biełarusaŭ z horšymi prablemami i zdaroŭjem i jakija moŭčki ŭžo navat pamierli u statusie palituciekačoŭ. I vy zanosicie heta sabie ŭ miedalku. Piekła .