Basmanny rajonny sud Maskvy pryhavaryŭ sustaršyniu ruchu naziralnikaŭ na vybarach «Hołas» Hryhoryja Mielkańjanca da piaci hadoŭ kałonii ahulnaha režymu.
Akramia taho, sud zabaraniŭ Mielkańjancu na praciahu dzieviaci hadoŭ zajmacca hramadskaj dziejnaściu. Mielkańjanca pryznali vinavatym pa spravie ab arhanizacyi pracy «niežadanaj» arhanizacyi mižnarodnych naziralnikaŭ ENEMO, jakaja nie pravodziła misij u Rasii, piša «Miedyjazona».
Bok abvinavačańnia paŭtaraŭ, što ruch «Hołas» nibyta byŭ stvorany «na bazie» adnajmiennaj asacyjacyi, jakaja ŭvachodziła ŭ abvieščanuju paźniej «niežadanaj» ENEMO. Apieratyŭnik u svaim dakładzie vydaŭ sajt ENEMO za sajt ruchu «Hołas» — jon nie vałodaje anhlijskaj movaj i nie zdoleŭ pračytać, što napisana na sajcie mižnarodnaj arhanizacyi.
U tym liku prakuratura paličyła arhanizacyjaj pracy «niežadanaj» NKA vystupleńni Mielkańjanca na kruhłym stale, pryśviečanym elektronnamu hałasavańniu, u Centralnaj vybarčaj kamisii. U ich Mielkańjanc udzielničaŭ pa zaprašeńni CVK. U sudzie ruch «Hołas» byŭ nazvany «strukturnym padraździaleńniem» ENEMO, choć jana nie viadzie pracu ŭ Rasii.
Ni asacyjacyja «Hołas», zasnavanaja ŭ 2000 hodzie i likvidavanaja ŭ 2020 hodzie paśla ŭklučeńnia ŭ śpis «zamiežnych ahientaŭ», ni zasnavany ŭ 2013 hodzie hramadski ruch «Hołas» nikoli nie pryznavalisia ŭ Rasii «niežadanymi» arhanizacyjami.
Dva dni tamu prakurorka Kaciaryna Frołava zaprasiła dla Mielkańjanca šeść hadoŭ źniavoleńnia — heta maksimalny termin pavodle artykuła ab ažyćciaŭleńni dziejnaści «niežadanaj arhanizacyi».
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia1
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary