Siarod uniesienych źmianieńniaŭ u praviły aŭtapieravozak pasažyraŭ značycca abaviazak vadziciela taksi pierad pačatkam pajezdki ahučyć pasažyru jaje košt. Takim čynam klijenty buduć lepš abaronieny ad nieabhruntavana vysokich taryfaŭ.
Kolki prapanoŭ pastupiła padčas publičnaha abmierkavańnia prajekta, raskazaŭ u prahramie «Aktualnaje intervju» načalnik upraŭleńnia aŭtamabilnaha i haradskoha pasažyrskaha transpartu Mintransa Andrej Hładki, źviarnuŭ uvahu Onliner.by.
Hramadskaje abmierkavańnie prajekta ŭradavaj pastanovy, jakoj płanujecca ŭnieści karekciroŭki ŭ praviły aŭtamabilnych pieravozak pasažyraŭ, prachodziła ŭ Biełarusi z 26 krasavika pa 5 maja. Zhodna z prajektam hetaha dakumienta pry pajezdkach u taksi prapanujecca vyklučyć vypadki źmieny sposabu apłaty i ŭdakładnić pieralik situacyj, kali pasažyr maje prava admovicca ad apłaty pajezdki ŭ taksi.
«Było šmat rezanansnych vypadkaŭ, kali za pieravoz pasažyra na nievialikuju adlehłaść taksist uźnimaŭ davoli značnuju sumu, jakaja nie zaŭsiody była pa kišeni klijentu. Kab paźbiehnuć padobnaha, my prapanujem unieści normu, jakaja abaviaža vadziciela taksi da pačatku pajezdki ahučvać pasažyru jaje aryjencirovačny košt, — patłumačyŭ pradstaŭnik Mintransa.
— Tak pasažyr adčuje siabie bolš abaronienym i budzie razumieć, zadavalniaje jaho pajezdka za takuju sumu ci nie. U ramkach publičnaha abmierkavańnia hetuju normu padtrymali».
Za čas hramadskaha abmierkavańnia ŭ Mintrans pastupiła 36 raznastajnych zvarotaŭ jak ad pieravozčykaŭ, tak i pasažyraŭ. Šerah prapanoŭ byŭ całkam padtrymany, niekatoryja patrabujuć dadatkovaj prapracoŭki (u tym liku ź biźnies-supolnaściu). Jak dadaŭ Andrej Hładki, dakumient budzie dapracoŭvacca, jamu naležyć prajści paŭtornaje ŭzhadnieńnie ź dziaržaŭnymi orhanami, u roznych asacyjacyjach, saviecie pa raźvićci pradprymalnictva.
«Ja dumaju, što ŭ vyniku praviedzienaj pracy my zmožam pryjści da ahulnaha nazoŭnika, pry jakim buduć uličany intaresy jak pasažyraŭ, tak i aŭtamabilnych pieravozčykaŭ», — padsumavaŭ načalnik upraŭleńnia aŭtamabilnaha i haradskoha pasažyrskaha transpartu.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond18
Kamientary
ĹĺŬŭ
Ty z čaho pišaš? ios, android, winda, mac, linux?