ZŠA prypyniaje vydaču imihracyjnych viz dla hramadzian 75 krain, uklučna z Rasijaj. Ci datyčyć heta Biełarusi, pakul nieviadoma
Z 21 studzienia 2026 hoda Dziaržaŭny departamient ZŠA prypyniaje apracoŭku viz dla 75 krain, siarod jakich Samali, Rasija, Iran, Afhanistan, Brazilija, Nihieryja, Tajłand i inšyja, paviedamlaje Fox News.
Heta rašeńnie ŭviedziena dla taho, kab abmiežavać vydaču viz asobam, jakija, na dumku ŭładaŭ, mohuć stać ciažaram dla dziaržaŭnaj sacyjalnaj dapamohi. Prypynieńnie budzie dziejničać na niavyznačany termin, pakul Dziarždepartamient nie pierahledzić praceduru pravierki i adboru kandydataŭ.
Asablivaja ŭvaha ciapier nadajecca Samali, jakaja apynułasia ŭ centry ŭvahi paśla vialikaj schiemy machlarstva, vykrytaj u štacie Miniesota. Prakurory znajšli masavyja złoŭžyvańni prahramami dziaržaŭnaj dapamohi, u jakich byli zadziejničanyja pieravažna samalijcy i amierykancy samalijskaha pachodžańnia.
Pavodle novych instrukcyj, konsuły buduć admoŭna razhladać zajaŭki tych ludziej, jakija mohuć zaležać ad dziaržaŭnaj dapamohi. Pry hetym uličvajucca ŭzrost, stan zdaroŭja, vałodańnie anhlijskaj movaj, finansavaje stanovišča i mahčymyja patreby ŭ doŭhaterminovym miedycynskim absłuhoŭvańni. Asoby, jakija raniej karystalisia hrašovaj dapamohaj ci znachodzilisia ŭ dziaržaŭnych ustanovach, a taksama pažyłyja asoby ci ludzi ź lišniaj vahoj, mohuć atrymać admoŭny adkaz.
Pres-sakratar Dziaržaŭnaha departamienta adznačyŭ, što hetaja miera budzie vykarystoŭvacca, kab abmiežavać ujezd u ZŠA tych, chto moža stać ciažaram dla hramadstva i vykarystać sacyjalnyja prahramy. Vyklučeńni buduć vielmi abmiežavanyja i mahčymyja tolki paśla poŭnaj pravierki na adpaviednaść patrabavańniam pa «publičnym ciažary».
U minułych administracyjach hety pryncyp prymianiaŭsia pa-roznamu, a padčas prezidenctva Trampa ŭ 2019 hodzie termin «publičny ciažar» byŭ pašyrany na bolš šyroki śpiektr sacyjalnaj dapamohi. Paźniej častka hetych praviłaŭ była zabłakavanaja ŭ sudach i ŭskosna admienienaja administracyjaj Džo Bajdena.
AANaŭskaja pramova Trampa: pra eskałatar, jaki spyniŭsia prosta na chadu, suprać mihracyi i zialonaj enierhietyki
Tramp uvioŭ dla inšaziemcaŭ «załatuju kartu» za $100 tysiač
Urad ZŠA pačynaje tatalnuju pravierku ŭsich 55 miljonaŭ uładalnikaŭ amierykanskich viz
Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst
Kamientary
Bravo Tramp. Jevropa takžie užie načinajet niemnoho prichodiť v siebia pośle spłošnoho "našiestvija" tn "tružieńnikov" ( doktorov i inžienierov) iz Azii, Afriki i Kavkaza v 2015,2016hh. Stav załožnikami svoich ciennostiej, KOTORYJE RASSČITANY NA MIENTALITIET JEVROPIEJCIEV, siejčas nie znajut kak izbaviťsia ot vyšie upomianutych ludiej v kulturie u kotorych rabotať eto nie dla nich.I eto nužno poniať. Bravo, Tramp! Jeŝio raz. RABOTAŤ NADO! DOŁHO I UPORNO na puti k Błahopołučiju.
PS/ njkmrj?tolko čto pročitał, Portuhalija riešiła vypłatiť Jevrokomiśsii 8 młn. jevro, čtoby tolko nie prinimať 400 priedstavitielej Afriki v ramkach raspriedielenija lic, pripłyvšich čieriez Sriediziemnoje morie.