Łukašenkaŭcy vyrašyli razabracca ź vialikimi roźnicami ŭ dachodach unutry kampanij. Dyrektaraŭ z zavialikimi zarpłatami pačnuć štrafavać.
Kali kiraŭnik arhanizacyi zarablaje ŭ razy bolš za inšych supracoŭnikaŭ, heta moža skončycca nie prosta pravierkaj, ale i pakarańniem. Pra inicyjatyvu ŭładaŭ raskazali ŭ efiry ANT.
Farmalnyja praviły ŭžo isnujuć. Siońnia zarpłata kiraŭnika nie pavinna pieravyšać siaredniuju pa kalektyvie bolš čym u 8 razoŭ, a ŭ biudžetnaj śfiery i dziaržaŭnych chołdynhach — u 3,5 raza.
Ale prapahandysty narakajuć na toje, što hetyja normy na samaj spravie časta ihnarujucca. Tamu łukašenkaŭcy źbirajucca pryniać papraŭki ŭ Kodeks ab administracyjnych pravaparušeńniach, jakija pastrožać kantrol za zarpłatami načalnikaŭ i ŭviaduć hrašovuju adkaznaść.
Kali pravierka vyznačyć nieadpaviednaść normam, to kiraŭniku budzie pahražać štraf ad 15 da 30 bazavych vieličyń, to-bok da 1350 rubloŭ. Dadatkova chočuć pačać štrafavać i samu arhanizacyju — da 200% ad sumy «zališnich» vypłat.
Pakul papraŭki tolki rychtujucca, paśla jany pavinny prajści praz parłamient i padpisańnie Łukašenkam.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary
Komu kakaja raźnica, skolko ja risuju diriektoru zarpłatu? Vy jeŝie na moi dividiendy hłaz połožitie, kotoryje na piaťsot procientov bolšie zarłat moich rababočich.