Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Łubinu ŭ nas — zavalisia. Ale ŭ im jość niebiaśpiečnyja ałkałoidy. Jany robiać jaho horkim na smak, a ŭ vialikich kancentracyjach navat jadavityja.
U biełaruskaj Akademii navuk prydumali, jak rabić katlety i fałafiel z łubinu. Čamu pra heta zadumalisia? Tamu što ciapier krynicy raślinnaha białku — soja i nut — impartnyja. A navukoŭcam pastavili zadaču: stvaryć miascovuju alternatyvu im.
Łubinu ŭ nas — choć hać haci. Ale ŭ im jość niebiaśpiečnyja ałkałoidy. Jany robiać jaho horkim na smak, a ŭ vialikich kancentracyjach navat atrutnyja.
Kab łubin byŭ biaśpiečny dla ŭžyvańnia, patrebnyja, pa-pieršaje, stałovyja hatunki. A pa-druhoje, jaho spačatku vymočvajuć, a potym apracoŭvajuć pavietrana-azonavaj sumieśsiu, paviedamlaje ahienctva «Minsk-Naviny». Voś z takoha łubinu atrymlivajecca i namazka na chleb, i katlety typu sojevych, i fałafiel.
Paštet možna namazvać na chleb abo vykarystoŭvać jak sous. Katlety vyrablajucca z dadavańniem krup i harodniny. Adzin varyjant robicca z prosam, morkvaj i cybulaj i smakam nahadvaje fałafiel. Druhi — z hrucaj, smažanymi hrybami i harodninaj. Hetyja katlety — zamarožany paŭfabrykat, jaki možna smažyć.
Ciapier raspracoŭka jašče ŭdakładniajecca: stvarajucca receptury i nieabchodnyja dakumienty, kab naładzić masavuju vytvorčaść. Navukoŭcy płanujuć prapanavać svaju pradukcyju biełaruskim pradpryjemstvam, a taksama ličać, što stravy na asnovie hatovaha mołataha łubinu možna budzie hatavać i ŭ chacie.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary