Hramadstva66

Padazronaha aktyvista-stukača Paŭła Bialucina pryvieźli z Turcyi

Prapahandysty paviedamili pra aryšt i ekstradycyju ŭ Biełaruś Paŭła Bialucina — eks-aktyvista «Narodnaj hramady», jaki ŭ 2017-m napisaŭ danos na Mikałaja Aŭtuchoviča. Były palitviazień i były paplečnik Aŭtuchoviča Siarhiej Marcaleŭ praanalizavaŭ, u jakoj krainie zatrymali Bialucina.

Pavieł Bialucin. Skrynšot: FreeInfoBel / Youtube-kanał

Pra toje, što Bialucin źnik u Polščy, stała viadoma 24 krasavika. Pavodle słoŭ jaho žonki, apošni raz aktyvist vychodziŭ na suviaź za dva tydni da taho.

Marcaleŭ miarkuje, što Bialucina zatrymali ŭ Turcyi. Pra heta paplečnik Aŭtuchoviča napisaŭ u fejsbuku.

Marcaleŭ prapanuje paraŭnać fota sa Stambulskaha aeraporta i skryn ź filma prapahandystaŭ, u jakim raskazvałasia pra zatrymańnie Bialucina:

Źleva — film BT, sprava — Stambulski aeraport
Abnoŭlena: Prapahanda śćviardžaje, što čałaviek u čornym u aeraporcie Stambuła — Bialucin. Skrynšot: BT

Na videa Bialucin idzie na pasadku nibyta dobraachvotna.

Jość i inšyja pryčyny dumać, što Bialucina zatrymali ŭ Turcyi, piša Marcaleŭ:

«Bialucin šmat hadoŭ vioŭ z turkami biznes, nabyvajučy mužčynskaje dziełavoje adzieńnie, jakoje potym realizoŭvaŭ u roźnicu na rečavym kirmašy pad Minskam. U jaho ŭ Turcyi ŭstojlivyja dziełavyja i tavaryskija suviazi. U Jeŭrasajuzie paśla departacyi ź Litvy zrabić heta było b našmat składaniej.

Adnak Turcyja ličycca adnoj z najbolš niebiaśpiečnych krain dla našych palituciekačoŭ. Režym Erdahana daŭno supracoŭničaje z Łukašenkam. Kali infarmacyja słušnaja, to heta papiaredžańnie dla niadbałych amataraŭ plažaŭ Antalli i tannych impłantaŭ».

U 2024-m «Kibierpartyzany» ŭzłamali bazu danosaŭ u KDB, i tady stała viadoma pra danos Bialucina na Aŭtuchoviča. Marcaleŭ śćviardžaje, što jašče ŭ 2020-m Aŭtuchovič padazravaŭ jaho ŭ stukactvie.

«Naša Niva» — bastyjon biełaruščyny

PADTRYMAĆ

Kamientary6

  • Pocyk
    08.05.2025
    Nu vot tiepieŕ poniatno, v kakuju stranu nielzia jezdiť, spamibo
  • eks-palitviazień
    08.05.2025
    Viarnuŭsia ŭ radnuju havań (ci havień, kamu jak padabajecca)!
  • Łoo
    08.05.2025
    “Turcyja ličycca adnoj z najbolš niebiaśpiečnych krain dla našych palituciekačoŭ. Režym Erdahana daŭno supracoŭničaje z Łukašenkam. Kali infarmacyja słušnaja, to heta papiaredžańnie dla niadbałych amataraŭ plažaŭ Antalli i tannych impłantaŭ».”. A adkul takaja infarmacyja, što heta adna z samych niebiaśpiečnych krain ? Turcyja zaŭsiody ŭsprymałasia bolš biaśpiečnaj, čym navat Hruzija. I ŭ čym “režym” Erdahana supracoŭničaje z Łukašenkam ? Chiba tolki ŭ ekanomicy. Turcyja navat vybaraŭ nie pryznała. Tamu prapanuju redakcyi lepš razabracca, ci sapraŭdy zatrymańnie źviazanaje z paliiykaj.

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Usie naviny →
Usie naviny

U DTZ u Ivacevickim rajonie zahinuli dva čałavieki

Hałoŭčanka patłumačyŭ situacyju z dalarami ŭ Biełarusi3

Navukoŭcy zrazumieli, čamu našy viaskovyja babuli žyli daŭžej9

Minčuk chacieŭ pravučyć «chama» ŭ tramvai, ale čamuści ŭdaryŭ kalenam u nos školnicu2

U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?4

U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč11

Tramp zajaviŭ, što rasčaravany i šakavany dziejańniami Rasii1

Akademikam Rasijskaj akademii navuk abrali «kravasisiu» časoŭ Janukoviča 5

«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič7

bolš čytanych navin
bolš łajkanych navin

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić