Pamiatajecie žurnalistku Hałuzu, jakaja źliła asabistuju pierapisku Stryžaka? Jana ŭstupiła ŭ «Narodnuju hramadu»
U 2020-m byłaja rabotnica «SB» pakryŭdziłasia na kiraŭnictva «Bajsoła» i vyvaliła tony kampramatu, što pryviało da aryštaŭ u Biełarusi.
U partyi «Narodnaja hramada» papaŭnieńnie. U ich šerahi ŭstupiła žurnalistka Śviatłana Hałuza. Siabram partyi jana pradstaŭlenaja ŭ intervju «Radyjo Racyja». Hutarka z Hałuzaj była vydalena z sajta ŭ dzień publikacyi, ale jaje kopija zastałasia na inšych resursach.
Da leta 2020 hoda Śviatłana Hałuza była žurnalistkaj «SB». Paśla zvolniłasia, vyjechała ŭ Litvu i ŭładkavałasia asabistaj asistentkaj da Andreja Stryžaka, kiraŭnika Fondu salidarnaści «Bajsoł». Stryžak davieryŭ joj kiravańnie, u tym liku pryvatnym akaŭntam u telehramie, pad jakim jon znachodziŭsia ŭ roznaha kštałtu zakrytych čatach.
U vyniku pryvatnaja pierapiska Stryžaka byli apublikavanyja ŭ ananimnych telehram-kanałach, stvaralniki jakich zmahalisia z Ofisam Śviatłany Cichanoŭskaj. U «Bajsole» ŭpeŭnienyja, što skrynšoty zrabiła mienavita Hałuza.
U tym «kampramacie» fihuravali błohier Eduard Palčys, były śledčy Jaŭhien Juškievič i inšyja viadomyja ludzi. Urešcie mnohija ź ich byli aryštavanyja i atrymali vialikija terminy. Samalot z Ramanam Pratasievičam na toj momant jašče nie byŭ prymusova pasadžany, tamu biez hetych skrynšotaŭ biełaruskija siłaviki nie mieli poŭnaj karciny taho, što adbyvajecca ŭ apazicyjnych siłach i chto ŭvachodzić u čaty.
U adnym sa strymaŭ Hałuza nazvała homielskich pravaabaroncaŭ Sudalenki i Palakova, paśla čaho ŭ ich prajšli vobšuki, i jany byli zatrymanyja z abvinavačvańniem u «finansavańni pratestaŭ» (heta toj artykuł, jaki stavicca ŭ vinu ludziam, što dapamahali kampiensoŭvać štrafy)».
Sama Hałuza zvolniłasia z «Bajsoła» i pajšła da Volhi Karač u «Naš dom». U 2022-m Hałuza navat sprabavała trapić u Hiermaniju na prahramu dla represavanych žurnalistaŭ.
Miarkujučy pa ankietnaj infarmacyi na staroncy Śviatłany ŭ Linkedin, z kanca 2022 hoda jana pracuje ŭ łahistyčnaj kampanii Hegelmann Group.
Tady ž, u 2022 hodzie, u Hałuzy dyjahnastavali ciažkuju ankałohiju, limfomu Chodžkina. Dziaŭčyna zdoleła pieramahčy chvarobu.
«Narodnaja hramada», u šerahi jakoj jana ŭstupiła, abjadnoŭvaje ŭ emihracyi prychilnikaŭ palitviaźnia i kandydata ŭ prezidenty — 2010 Mikoły Statkieviča, jakoha prysudzili da 14 hadoŭ źniavoleńnia. U adsutnaść Statkieviča i blizkich jaho paplečnikaŭ abaviazki staršyni partyi dastalisia Jaŭhienu Vilskamu — połackamu afhancu, byłomu aktyvistu «Havary praŭdu».
«Narodnaja hramada» pad jaho kiraŭnictvam sprabuje razam z chaŭruśnikami asprečyć lidarstva ŭ Śviatłany Cichanoŭskaj.
Na vybarach u Kaardynacyjnuju radu ŭ 2024 hodzie «Narodnaja hramada» ŭstupiła ŭ kaalicyju z častkaj chryścijanskich demakrataŭ na čale z Hieorhijem Dźmitrukom. Ich supolny błok «Salidarnaść» nabraŭ miziernyja 104 hałasy ŭ svaju padtrymku (1,55% ad kolkaści tych, chto ŭziaŭ udzieł u hałasavańni).
Bolš taho — u bazie danosaŭ, zdabytaj «Kibierpartyzanami» z uzłamanaha sajta KDB, znajšli dva staryja zvaroty ad kandydataŭ «Narodnaj hramady».
Pavieł Bialucin napisaŭ danos na Mikałaja Aŭtuchoviča, a Volha Ciškievič — na Eduarda Palčysa. Adrazu paśla raskryćcia abodvuch sa śpisaŭ vyklučyli, ale imidž arhanizacyi heta, zrazumieła, nie palepšyła. Volha Ciškievič nieŭzabavie paśla taho viarnułasia ŭ Biełaruś i dała intervju prapahandystam z ANT.
Paśla vyjaviłasia, što i adzin ź lidaraŭ tych chryścijanskich demakrataŭ, Jaŭhien Dudkin, byŭ ahientam biełaruskich śpiecsłužbaŭ.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary