Siabroŭka «Narodnaj hramady», jakaja pisała danosy ŭ KDB, viarnułasia ŭ Biełaruś i dała intervju prapahandystam
Anons intervju źjaviŭsia na ANT.
Volha Ciškievič doŭhi čas uznačalvała mahiloŭskaje adździaleńnie partyi «Narodnaja hramada», jakoj kiravaŭ Mikałaj Statkievič.
Volha siabravała z byłym aktyvistam adyjoznaha NOD («Narodna-vyzvalenčy ruch») Alaksiejem Hałavinym. Prasłaviŭsia jon tym, što prychodziŭ na akcyi, jakija arhanizoŭvaŭ Statkievič, i na ŭsie zakliki kryčaŭ «Pajšli na…».
Kali mierkavać pa jaje fejsbuk-staroncy, Volha vyjechała ź Biełarusi ŭ červieni 2022-ha, da hetaha žyła ŭ Biełarusi.
Kali «Kibierpartyzany» vykłali bazu danosaŭ, tam znajšoŭsia zvarot ad Ciškievič.
«U Mahilovie 29 listapada budzie prachodzić tok-šou z Eduardam Palčysam, jakoha asudzili za raspalvańnie varožaści. Šou nakiravanaje suprać Sajuznaj dziaržavy i supracoŭnictva z Rasijskaj Fiederacyjaj, nosić varožy charaktar. Prašu vas pryniać miery. Z pavahaj, hramadzianka RB, Volha».
Źviestki, jakija pakinuli pad zvarotam u KDB, supadajuć sa źviestkami Ciškievič.
Ale sama Volha admaŭlała, što pisała danos na Eduarda Palčysa: nibyta jana davała kampjutar «susiedu-jabaćku», jaki moh napisać danosy.
Ciškievič źbirałasia bałatavacca ŭ Kaardynacyjnuju radu, ale paśla skandału ź jaje danosam žančynu vyklučyli sa śpisaŭ kandydataŭ.
Kali jana viarnułasia ŭ Biełaruś, nieviadoma.
U anonsie intervju ANT Volha raskazvaje pra Kaardynacyjnuju radu, palitviaźniaŭ, hrošy ŭ partyi i drony, jakimi nibyta źbiralisia ŭdaryć pa Biełarusi.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary
On vyniuchivajet vsio i viezdie, vsio skrinšotit, vsio sochraniajet, vsie ličnyje razhovory zapisyvajet na audio.
Kazałoś by, dla čieho svoich ludiej zapisyvať-to?....