Z komina Sikścinskaj kapeły idzie čorny dym. Siońnia projduć jašče try tury.
U Vatykanie praciahvajecca kankłaŭ — schod kardynałaŭ dla vybaru novaha Papy. Adnak na čarhovym hałasavańni novy kiraŭnik Katalickaj carkvy tak i nie byŭ abrany: z komina Sikścinskaj kapeły znoŭ pajšoŭ čorny dym — znak taho, što rašeńnie nie pryniata.
Dla abrańnia Papy patrabujecca, kab za kandydata prahałasavali nie mienš za dźvie traciny z bolš jak 130 kardynałaŭ. Da taho času, pakul nie budzie dasiahnuty hety paroh, kankłaŭ praciahniecca, i kardynały buduć źbiracca na novyja raŭndy hałasavańnia.
Čorny dym — tradycyjny sihnał taho, što kansensusu niama. Kali ž novy Papa budzie abrany, z komina pojdzie bieły dym, i na płoščy Śviatoha Piatra abvieściać: «Habemus Papam» — «My majem Papu».
Siońniašnija tury hałasavańnia ŭ Sikścinskaj kapele pryznačany na 13:00, 18:30 i 20:00 pa minskim časie. U lubym ź ich luby z kandydataŭ moža atrymać padtrymku dźviuch tracin udzielnikaŭ kankłava — mienavita stolki patrabujecca dla abrańnia novaha Papy Rymskaha.
Aptymizmu adnosna chutkaha rašeńnia dadaje ahulny nastroj kardynałaŭ — mnohija vykazvali ŭpeŭnienaść, što doŭha damaŭlacca nie daviadziecca.
Historyja padtrymlivaje taki scenar. Naprykład: papa Francišak byŭ abrany ŭ 2013 hodzie na piatym tury hałasavańnia:, Bieniedykt XVI u 2005 hodzie — užo na čaćviortym tury.
U abodvuch vypadkach heta zdaryłasia na druhi dzień kankłava, jak i siońnia.
Kamientary
To bok, kali apoŭdni bačym čorny dym, heta značyć, što dva hałasavańni nie prynieśli žadanaha vyniku. To bok siońnia ŭviečary budzie jašče adzin tur (a nie try, jak u tekście), jaki składajecca z, prynamsi, adnaho hałasavańnia (a, mo, j z dvuch).