Aktyvistu ŭ Rasii dadali try hady kałonii z-za apošniaha słova ŭ sudzie
Sud pavialičyŭ aktyvistu Andreju Trafimavu termin pakarańnia — da 13 hadoŭ kałonii strohaha režymu pa abvinavačańni ŭ apraŭdańni teraryzmu i «dyskredytacyi» rasijskaj armii, paviedamlaje «Miedyjazona».
Trafimaŭ u sprečkach nahadaŭ sudu, što jaho ŭžo druhi raz sudziać za słovy, a ŭ jahonaj spravie niama ni škody, ni paciarpiełych. Jamu nie dali vykazać apošniaje słova da kanca, ale jon paśpieŭ skazać:
«Pavažany sud, napad Rasii na Ukrainu 24 lutaha 2022 hoda staŭ mahčymy tamu, što sučasnaja Rasija — heta achviara admoŭnaha adboru: kraina bajaźliŭcaŭ, durniaŭ i panyłaha h*na. Mnie tut nie miesca, bo ja — nie pieršaje, nie druhoje i nie treciaje».
Padstavaj dla hetaj spravy stała jahonaje apošniaje słova pierad pieršym prysudam pa spravie ab vajennych «fejkach» i sprobie dałučycca da lehijona «Svaboda Rasii», pavodle jakoj jaho asudzili na 10 hadoŭ kałonii strohaha režymu.
Tady Andrej Trafimaŭ zajaviŭ nastupnaje:
«Ja publična apraŭdvaju, horača ŭchvalaju i padtrymlivaju vybuch na Krymskim moście i ataki ŭkrainskich bieśpiłotnikaŭ na Kreml i inšyja celi ŭ Maskvie i Padmaskoŭi. Bo Ukraina — achviara ahresii z boku Rasii. A dla siabie ja patrabuju maksimalnaha terminu. Bo ja vami pahardžaju. Chadzić z vami pa adnoj ziamli i žyć z vami ŭ adnoj dziaržavie ja nie budu».
Kamientary