Što viadoma pra byłoha kalinoŭca Vasila Hračychu, jaki trapiŭ u ruki biełaruskaha KDB?
Biełaruskaja prapahanda pakazała aryštavanaha 39-hadovaha Vasila Hračychu. «Naša Niva» sabrała bazavuju infarmacyju pra mužčynu.
Vasilu Hračychu 39 hadoŭ. Pavodle infarmacyi z sacyjalnych sietak, jon skončyŭ Biełaruskuju dziaržaŭnuju sielskahaspadarčuju akademiju (BHSCHA), dzie navučaŭsia na ziemleŭparadkavalnym fakultecie. Jaho śpiecyjalnaść — kadastr i ziamielnaje prava.
Prachodziŭ słužbu ŭ 38-j Asobnaj motaabaronnaj bryhadzie Biełarusi — vajskovaj čaści desantnikaŭ u Breście, jakuju ŭ svoj čas uznačalvaŭ Valeryj Sachaščyk. Na fota z sacsietak vidać, što ŭ kvatery Hračychi visieŭ vympieł bryhady.
U sacsietkach u chłopca ničoha niezvyčajnaha — miemy, aŭtamabili, hulni i asabistyja fota.
Pavodle infarmacyi pres-słužby Pałka Kalinoŭskaha, Vasil dałučyŭsia da ich u mai 2022 hoda, ale pakinuŭ padraździaleńnie ŭžo ŭ červieni taho ž hoda pa ŭłasnym žadańni. Kalinoŭcy, da jakich źviartałasia «Naša Niva», jaho nie zapomnili. U siužecie BT jaho pry hetym pradstaŭlajuć miehavajarom, a fakt jahonaha zatrymańnia — vielizarnym pośpiecham.
U adnym z novych akaŭntaŭ Hračychi ŭ sacsietkach miescam jaho pražyvańnia paznačanaja Varšava. Taksama jon vykładaŭ fota z roznych inšych jeŭrapiejskich krain.
Apošni raz Vasil byŭ anłajn va «Ukantakcie» naprykancy studzienia 2025 hoda.
Data jaho aryštu nieviadomaja — u telesiužecie mohuć być jak aktualnyja kadry, tak i paźniejšaja pastanoŭka dla prapahandy. Taksama niezrazumieła, u jakoj krainie byŭ zatrymany Hračycha — albo sam viarnuŭsia ŭ Biełaruś.
«Naša Niva» — bastyjon biełaruščyny
PADTRYMAĆ
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»19
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary