Што вядома пра былога каліноўца Васіля Грачыху, які трапіў у рукі беларускага КДБ?
Беларуская прапаганда паказала арыштаванага 39-гадовага Васіля Грачыху. «Наша Ніва» сабрала базавую інфармацыю пра мужчыну.
Васілю Грачыху 39 гадоў. Паводле інфармацыі з сацыяльных сетак, ён скончыў Беларускую дзяржаўную сельскагаспадарчую акадэмію (БГСХА), дзе навучаўся на землеўпарадкавальным факультэце. Яго спецыяльнасць — кадастр і зямельнае права.
Праходзіў службу ў 38-й Асобнай мотаабароннай брыгадзе Беларусі — вайсковай часці дэсантнікаў у Брэсце, якую ў свой час узначальваў Валерый Сахашчык. На фота з сацсетак відаць, што ў кватэры Грачыхі вісеў вымпел брыгады.
У сацсетках у хлопца нічога незвычайнага — мемы, аўтамабілі, гульні і асабістыя фота.
Паводле інфармацыі прэс-службы Палка Каліноўскага, Васіль далучыўся да іх у маі 2022 года, але пакінуў падраздзяленне ўжо ў чэрвені таго ж года па ўласным жаданні. Каліноўцы, да якіх звярталася «Наша Ніва», яго не запомнілі. У сюжэце БТ яго пры гэтым прадстаўляюць мегаваяром, а факт ягонага затрымання — велізарным поспехам.
У адным з новых акаўнтаў Грачыхі ў сацсетках месцам яго пражывання пазначаная Варшава. Таксама ён выкладаў фота з розных іншых еўрапейскіх краін.
Апошні раз Васіль быў анлайн ва «Укантакце» напрыканцы студзеня 2025 года.
Дата яго арышту невядомая — у тэлесюжэце могуць быць як актуальныя кадры, так і пазнейшая пастаноўка для прапаганды. Таксама незразумела, у якой краіне быў затрыманы Грачыха — альбо сам вярнуўся ў Беларусь.
«Наша Нiва» — бастыён беларушчыны
ПАДТРЫМАЦЬ
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары