Палітвязняў уначы сустракалі валанцёры, журналісты, родныя, дыпламаты і былыя вязні. Вуліцы Варшавы запоўніліся слязьмі радасці і палёгкі.
Уначы 18 снежня ў Варшаву прыехала вялікая партыя палітвязняў, вызваленых і дэпартаваных ва Украіну 13 снежня.
Са 109 чалавек большасць пакуль застанецца ў Польшчы. На базе Цэнтра беларускай салідарнасці іх сустракалі валанцёры, якія падрыхтавалі для палітвязняў ежу і рэчы першай неабходнасці, сярод якіх было адзенне і сім-карты. Таксама па месцы дзяжурыў доктар і псіхолаг.
Частку палітвязняў забралі да сябе сваякі і сябры, іншых жа на першы час размяшчаюць у гасцініцы, прапаноўваючы бясплатнае харчаванне.
Сястра Марыі Калеснікавай абняла сястру пасля 5 гадоў зняволення. Сям'я былой галоўнай рэдактаркі партала Tut.by Марыны Золатавай чакала яе ў Варшаве з кветкамі.
Палітвязняў прыйшоў павітаць і палітык Павел Латушка.
Літаратуразнаўца і палітолаг Аляксандр Фядута выйшаў з аўтобуса з кіёчкам. Асуджаны па справе змоўшчыкаў на 10 гадоў, за кратамі ён правёў чатыры гады і восем месяцаў.
Аляксандр моцна схуднеў, але быў поўны гумару. «Танцаваць я не магу. Але ў выпадку неабходнасці дайшоў бы сюды пешшу», — сказаў ён журналістам. Ад любых іншых каментароў журналістам ён адмовіўся, спаслаўшыся на доўгі час у палоне.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс28
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары