Што здарылася з Мікітам Мелказёравым, які раптоўна памёр ноччу?
Папулярнаму ютуб-блогеру было 37 гадоў.
Блогера Мікіты Мелказёрава не стала ў ноч на 21 снежня.
Як піша Reform.news, учора ўвечары Мікіту стала дрэнна. Ён адляжаўся, адчуў сябе лепш праз некаторы час. Затым устаў, пайшоў і страціў прытомнасць. Спынілася сэрца. Прычына смерці будзе вядомая пасля анатамавання.
Для блізкіх Мікіты адкрылі збор.
Мікіта вядомы як вядучы ютуб-канала «Жыццё-маліна», дзе выходзілі інтэрв'ю з беларускімі палітыкамі і селебрыці. На канале 97 тысяч падпісчыкаў. Мікіта таксама вёў гістарычны падкаст «Загляне сонца», падкаст з Сашам Івуліным «Нешта будзе», дзе яны абмяркоўвалі жыццёвыя рэчы.
Раней ён працаваў журналістам на «Анлайнеры» і «Трыбуне».
Мікіта быў жанаты з мадэллю Лінай Цапавай.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары
Жыццё часцей несправядлівае.
R.I.P. Мікіта. За кароткае жыццё ты зрабіў многа спраў для беларушчыны.
Годны хлопец, годны журналіст, годны грамадзянін.
Зямля пухам.