Папулярнага блогера Мікіты Мелказёрава, якому было 37 гадоў, раптоўна не стала сёння ноччу.
Святлана Ціханоўская выказала спачуванні яго блізкім.
«Немагчыма паверыць. Здаецца, быццам такога проста не магло здарыцца. На жаль, у ноч на 21 снежня памёр журналіст і вядоўца «Жыццё-маліна» Мікіта Мелказёраў.
Мікіта ўмеў рабіць рэдкую рэч — даваць чалавеку прастору быць сабой. Яго праца зрабілася важнай часткай беларускай медыйнай прасторы. І заўсёды ёй застанецца.
Выказваю шчырыя спачуванні родным і блізкім Мікіты, сябрам, калегам і ўсім, хто любіў яго. Гэта вялікая страта для беларусаў.
Светлая памяць», — напісала ў тэлеграм-канале Ціханоўская.
Каментары
Жыве Беларусь !