Ułady adpraviać u kramy nasiennuju bulbu, kab spravicca z deficytam
Minsielhascharč i MARH praviali naradu pa prablemie bulby. Čynoŭniki kažuć, što situacyja pad kantrolem, ale handlu ŭsio roŭna addaduć častku nasiennaj bulby.
Ministr sielskaj haspadarki i charčavańnia Jury Horłaŭ pravioŭ naradu pa pytańniach zabieśpiačeńnia ŭnutranaha rynku bulbaj i harodninaj. U naradzie brali ŭdzieł pradstaŭniki Ministerstva antymanapolnaha rehulavańnia i handlu, kiraŭniki handlovych sietak, a taksama kamitetaŭ pa sielskaj haspadarcy i charčavańni abłvykankamaŭ i Minharvykankama.
Pavodle danych MART patreba handlovych sietak u bulbie składaje 2,1 tysiačy ton. Kab zadavolić popyt, u kramy adpraviać reštki stabilizacyjnych fondaŭ i liški nasiennaj bulby «praduktovaj kalibroŭki».
Pry hetym vobłaści paabiacali adhruzić 2,4 tysiačy ton bulby dla zadavalnieńnia popytu. Dla apieratyŭnaha vyrašeńnia pytańniaŭ arhanizavana ŭzajemadziejańnie handlovych sietak z rehijonami.
Čynoŭniki śćviardžajuć, što prablemy z bulbaj uźnikli z-za pavialičanaha popytu. Pavodle raźlikaŭ MARH, pavinna było chapić 48 tysiač ton, jakija i byli zakładzieny ŭ stabfondy. Za zimu-viasnu ŭ handlovyja sietki pastavili 78,3 tysiačy ton, heta značyć 153% ad raźličanaj patreby. U stabfondach zastajecca 5,9 tysiačy ton bulby.
Kab paźbiehnuć deficytu nastupnaj viasnoj, abłvykankamy vyrašyli pavialičyć płoščy jaje pasadki pad ŭradžaj 2025 hoda na 3 tysiačy hiektaraŭ — da 19,7 tysiačy.
Horłaŭ daručyŭ, kab «palicy kramaŭ byli zapoŭnienyja pradukcyjaj u abjomie, dastatkovym dla poŭnaha zadavalnieńnia spažyvieckaha popytu».
U hetym hodzie biełarusy aktyŭna skardziacca na prablemy z bulbaj u kramach. Jaje albo niama, albo jana nadzvyčaj nizkaj jakaści. U toj ža čas mytaja bulba pradajecca, časam, pa zavyšanych cenach.
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary