«Ja chaču, kab jon spyniŭ stralać, sieŭ i padpisaŭ pahadnieńnie», — skazaŭ Tramp žurnalistam.
Prezident ZŠA Donald Tramp čarhovy raz zaklikaŭ rasijskaha lidara Uładzimira Pucina prademanstravać prychilnaść da miru i spynić bajavyja dziejańni va Ukrainie, piša Bi-bi-si.
«Ja chaču, kab jon spyniŭ stralać, sieŭ i padpisaŭ pahadnieńnie, — skazaŭ Tramp žurnalistam. — Ja liču, što ŭ nas jość umovy dla zaklučeńnia ździełki, i ja chaču, kab jon padpisaŭ jaje, skončyŭ heta i prosta viarnuŭsia da [narmalnaha] žyćcia».
U minułyja vychodnyja Tramp zajaŭlaŭ, što ŭ Pucina «nie było nijakich pryčyn vypuskać rakiety pa hramadzianskich rajonach, haradach i miastečkach na praciahu apošnich niekalkich dzion».
«Heta prymušaje mianie dumać, što, mahčyma, jon nie choča spyniać vajnu», — pisaŭ jon u svaich sacyjalnych sietkach.
Hetaj nočču Tramp taksama zajaviŭ, što jaho sustreča z ukrainskim prezidentam Uładzimiram Zialenskim u Vatykanie ŭ subotu «prajšła dobra».
«Ja dumaju, što sustreča prajšła dobra. Pahladzim, što adbudziecca ŭ bližejšyja niekalki dzion. Mahčyma, my daviedajemsia šmat novaha. Ja byŭ vielmi rasčaravany tym, što rakiety lacieli z boku Rasii», — skazaŭ Tramp.
Jon dadaŭ, što ličyć Zialenskaha zacikaŭlenym u dasiahnieńni mirnaha pahadnieńnia.
Tramp zapatrabavaŭ ad Zialenskaha nieadkładna padpisać pahadnieńnie ab nietrach
Tramp: Krym zastaniecca z Rasijaj
Tramp nazvaŭ «vialikaj sastupkaj» Pucina admovu zachoplivać usiu Ukrainu
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary