Košt prajezdu ŭ pryharadnych aŭtobusach Minska źmienicca na nastupnym tydni, vynikaje z aficyjna apublikavanaj pastanovy Minharvykankama.
«Sapraŭdnaje rašeńnie ŭstupaje ŭ siłu praz try dni paśla jaho aficyjnaha apublikavańnia», — skazana ŭ dakumiencie.
Rašeńnie, jakoje datyčycca koštu biletaŭ na pryharadnyja aŭtobusy, apublikavana 19 krasavika, a značyć, ustupić u siłu jano pavinna z 23 krasavika.
Pakul prajezd adnaho kiłamietra ŭ zvyčajnym pryharadnym aŭtobusie kaštuje 10 kapiejek, novy taryf — 11 kapiejek.
U chutkasnym rehularnym złučeńni taryf z 12 kapiejek pavysicca da 13, na ekspresnych maršrutach — z 13 da 14 kapiejek.
U papiaredni raz hetyja taryfy źmianialisia ŭ krasaviku 2022 hoda, a da hetaha — u śniežni 2019 i 2020 hadoŭ.
Kamientary