Hatel «Piekin» u Minsku z 1 studzienia prypyniaje pracu na termin da troch miesiacaŭ u suviazi z rekanstrukcyjaj sistemy pažarnaj biaśpieki.
24 śniežnia partniory Beijing Hotel Minsk atrymali adpaviedny list. Pra heta paviedamlaje Respublikanski sajuz turystyčnych arhanizacyj.
«Dziejnaść haściničnaha kompleksu «Piekin» (vuł. Čyrvonaarmiejskaja, 36) prypyniajecca dla praviadzieńnia rekanstrukcyi sistemy pažarnaj biaśpieki. Prypyniajecca rabota abjekta absłuhoŭvańnia (haścinicy), a taksama ŭsich abjektaŭ akazańnia pasłuh, handlu i hramadskaha charčavańnia», — havorycca ŭ paviedamleńni, adrasavanym u tym liku turystyčnym kampanijam.
1 studzienia 2026 hoda hatel prymaje tolki vyjezd haściej, a z 2 studzienia pražyvańnie całkam prypyniajecca. Braniravańni na hety pieryjad admienieny, sajt užo nie prymaje novyja zajaŭki.
Biełaruskija turystyčnyja firmy, jakija zabraniravali numary dla klijentaŭ na navahodnija śviaty, sutyknulisia z surjoznymi ciažkaściami: znajści raŭnacennuju zamienu ŭ vysoki siezon davoli składana.
Navat pry najaŭnaści svabodnych numaroŭ u inšych hatelach daviadziecca dapłačvać kala 100 dalaraŭ u sutki za dvuchmiesny numar — što mnohija turysty nie hatovyja zrabić. Situacyja patrabuje terminovaha pošuku alternatyŭ i pieramovaŭ z klijentami.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki16
Kamientary