Kitajskaja zakusačnaja pradavała klijentam kapsuły z čałaviečaj płacenty dla «ŭmacavańnia zdaroŭja»
U horadzie Čančžou zakusačnaja, źviazanaja z tradycyjnaj kitajskaj miedycynaj, prapanavała kapsuły, vyrablenyja z čałaviečaj płacenty i žeńšenia, jak srodak dla palapšeńnia zdaroŭja. Ułady zakryli ŭstanovu i pačali rasśledavańnie, piša South China Morning Post.
Pavodle paviedamleńniaŭ, zakusačnaja źmiešvała płacentu z žeńšeniem, pieramołvała sumieś i farmavała kapsuły. Cana pasłuhi składała 300 juaniaŭ (kala 40 dołara ZŠA), kali klijent prynosiŭ ułasnuju płacentu, i 800 juaniaŭ (kala 110 dołaraŭ), kali płacenta davałasia ŭstanovaj.
Pry hetym śćviardžałasia, što «ŭsie vykarystanyja płacenty pastupajuć ad paradzich u balnicach».
U internecie źjavilisia fatahrafii pracesu vytvorčaści, što vyklikała abureńnie siarod karystalnikaŭ sacyjalnych sietak. Adzin z kamientataraŭ napisaŭ: «Ja sapraŭdy nie mahu pavieryć, što jość ludzi, jakija jaduć płacentu jak ježu. Heta tak ahidna».
Chacia ŭ Kitai handal čałaviečaj płacentaj zabaronieny z 2005 hoda, praktyka jaje spažyvańnia praciahvajecca. Miedyki papiaredžvajuć, što spažyvańnie płacenty moža być niebiaśpiečnym, bo jana moža ŭtrymlivać virusy, takija jak hiepatyt B, VIČ i sifilis.
Tradycyjna ŭ kitajskaj miedycynie płacenta ličyłasia karysnaj dla zdaroŭja, ale sučasnyja miedycynskija daśledavańni nie paćviardžajuć hetaha.
Municypalnaja kamisija achovy zdaroŭja Čančžou paviedamiła, što ŭstanova zakrytaja na pravierku. «Ciapier my vyśviatlajem krynicu pastupleńnia płacenty. Papiarednija dadzienyja śviedčać ab tym, što jany nie pastupali z balnic», — paviedamiŭ pradstaŭnik viedamstva.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary