U Viarchoŭnym sudzie nie zmahli patłumačyć, kali znoŭ stanuć dastupnyja raskłady sudovych pasiadžeńniaŭ
U pačatku krasavika žurnalisty zaŭvažyli, što ŭžo kala miesiaca na sajcie Viarchoŭnaha suda nie publikujecca raskład sudovych pasiedžańniaŭ. Heta tłumačyłasia «rehłamientnymi rabotami», a ciapier pieršy namieśnik staršyni Viarchoŭnaha suda Valeryj Kalinkovič patłumačyŭ, što hetyja raboty «biesterminovyja», piša «Biuro».
«Termin zakančeńnia rabot u dačynieńni da «raskładu sudovych pasiadžeńniaŭ» u ciapierašni čas nie vyznačany. Ab adnaŭleńni pracy dadzienaha servisu karystalniki buduć prainfarmavanyja», — piša Valeryj Kalinkovič u aficyjnym adkazie na zapyt.
Akramia raskładu sudovych pasiadžeńniaŭ, na sajcie Viarchoŭnaha suda źnik taksama raździeł ab «śpiecyjalnaj vytvorčaści», to-bok zavočnych sudach nad aktyvistami, jakija znachodziacca za miažoj.
Raniej z Nacyjanalnaha pravavoha interniet-partała (pravo.by) źnikła baza sudovych rašeńniaŭ, dzie publikavalisia rašeńni sudoŭ, u tym liku pa administracyjnych spravach. U aficyjnym adkazie Nacyjanalnaha centra zakanadaŭstva i pravavoj infarmacyi havorycca, što adbyłasia «aptymizacyja»:
«U ramkach rekanstrukcyi adździeła «Bank sudovych rašeńniaŭ» praviedzieny raboty pa aptymizacyi masiva resursaŭ i jaho infarmacyjnaha napaŭnieńnia».
Jašče raniej Viarchoŭny sud abmiežavaŭ dostup da banka danych sudovych pastanoŭ, dzie publikavalisia rašeńni pa ekanamičnych spravach.
Na sajcie Viarchoŭnaha suda ŭžo amal miesiac nie vystaŭlajuć raskłady sudovych pasiadžeńniaŭ. I heta naŭrad ci vypadkova
Žycharku Salihorska buduć sudzić za 54 pieravody palitviaźniam. Joj pahražaje da siami hadoŭ
Prakurorskaja rabotnica raskazała dźvie historyi, kali viedamstva dabiłasia mienšych terminaŭ dla abvinavačanych
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha2
Kamientary