Prakurorskaja rabotnica raskazała dźvie historyi, kali viedamstva dabiłasia mienšych terminaŭ dla abvinavačanych
Padpalščyki aŭtamabila ŭ vyniku atrymali pa 5 hadoŭ źniavoleńnia, a nie pa 8 hadoŭ, jak im dali raniej.
Namieśnica načalnika hałoŭnaha ŭpraŭleńnia kryminalna-sudovaha nahladu Hienieralnaj prakuratury Hanna Ihlikava źviarnuła ŭvahu na niekatoryja historyi, kali prakurorskija rabotniki z dapamohaj kasacyj dabivalisia taho, kab sudździ vypravili svaje pamyłki. U vyniku abvinačanyja atrymlivali mienšy termin, čym im było prysudžana raniej.
Artykuł Ihlikavaj «Udzieł prakuroraŭ u kasacyjnaj i nahladnaj vytvorčaści» apublikavany ŭ śviežym numary viedamasnaha prakurorskaha časopisa «Zakonnaść i pravaparadak» (№1 za 2025 hod).
Hramadzianina H. asudzili na 14 hadoŭ za spažyvańnie narkotykaŭ, za raspaŭsiud narkotykaŭ u składzie arhanizavanaj hrupy, a taksama za apahańvańnie budynku (pa č. 1 art. 328, č. 4 art. 328, art. 341 KK). Što za apahańvańnie? Sud vyznačyŭ, što jon nanios na budynki rekłamu narkatyčnaj internet-kramy.
«Adnak artykuł 341 KK praduhledžvajecca adkaznaść za apahanieńnie zbudavańniaŭ i psavańnie majomaści tolki pry adsutnaści prykmiet bolš ciažkaha złačynstva, jakim u dadzienym vypadku źjaŭlałasia złačynstva, praduhledžanaje č. 4 artykuła 328 KK, sposab ździajśnieńnia jakoha nie moh razhladacca jak samastojnaje złačynstva i nie patrabavaŭ dadatkovaj kvalifikacyi», — adznačaje Ihlikava.
U vyniku paśla pratestu namieśnika Hienieralnaha prakurora sudovyja rašeńni pa spravie byli źmienieny. Abvinavačvańnie pa art. 341 KK u dačynieńni da H. było vyklučana. Ahulny pryznačany jamu termin źmienšyli da 13 hadoŭ.
Druhaja historyja datyčyć P. i R., jakija atrymali pa 8 hadoŭ pa č. 3 art. 218 KK — za toje, što padpalili čužy aŭtamabil.
Adnak vyśvietliłasia, što kali zapisvali majomaść, jakaja znachodziłasia ŭ mašynie, to i sam pieralik, i košt paškodžanaha zapisali sa słoŭ paciarpiełaha. Nijakich dokazaŭ taho, što hetyja rečy nasamreč tam byli, niama. Kali ž vyklučyli ich z naniesienaj škody, to akazałasia, što ahulnaja suma paškodžanaha bolš nie daciahvaje da asabliva bujnoha pamieru.
Raniejšaje rašeńnie rajonnaha suda admianili, spravu nakiravali na novy razhlad. Ciapier P. i R. asudzili pa č. 2 art. 218 KK — i dali pa 5 hadoŭ kałonii.
-
U Minsku z-za paškodžańnia kantaktnaj sietki parušyłasia praca maršrutaŭ niekatorych tralejbusaŭ
-
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
-
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary