Uejn Hrecki pra svajho dzieda z-pad Bresta: Jon byŭ ruskim i paradavaŭsia b za rekord Aviečkina
Lehiendarny kanadski forvard Uejn Hrecki raspavioŭ žurnalistam, što jaho dziadula abradavaŭsia b tamu, što Alaksandr Aviečkin dahnaŭ siońnia nočču jaho rekord, paviedamlaje Matč TV.
Nahadajem, što siońnia nočču rasijski forvard «Vašynhtona» Alaksandr Aviečkin u matčy Nacyjanalnaj chakiejnaj lihi zakinuŭ 894-ju šajbu ŭ NCHŁ i dahnaŭ pa kolkaści šajb viečny rekord Uejna Hrecki, jaki trymaŭsia 31 hod. U najbližejšaha hulca, jaki moža dahnać Aviečkina, Sidneja Krośbi, jaki pakul vystupaje ŭ NCHŁ, 578 šajbaŭ.
Voś što Hrecki skazaŭ siońnia pra Aviečkina: «Jon lohka zabivaje hały ŭ 39 hadoŭ. Słuchajcie, tolki Hordzi Choŭ u 50 hadoŭ moh zabić 20 hałoŭ u NCHŁ. Tak, hulnia tady była inšaj, ja heta razumieju. Ale kali tabie 50 i ty zabivaješ 20 hałoŭ u hetaj lizie — značyć, ty dobry chakieist. Taki ž i Aviečkin. Kali tabie amal 40 i ty zabivaješ 40 hałoŭ u NCHŁ (za siezon) — značyć, ty vielmi kruty chłopiec. Asablivy. Unikalny. Aviečkin moža hulać u NCHŁ jašče try ci čatyry hady. Ja rady za jaho. Ja ščaślivy za Aleksa.
Moj dziadula byŭ ruskim. Jon byŭ by vielmi rady, što ruski pabiŭ moj rekord, tak što jon małajčyna, — pryvodzić słovy Hrecki karespandent «Matč TV».
Nahadajem, što dzied Hrecki Ciarenci naradziŭsia ŭ 1890ia ŭ vioscy Ahdemier (siońnia Drahičynski rajon Bresckaj vobłaści). U pačatku XX stahodździa Ciarencij Łaŭrenavič Hrecki pierabraŭsia ŭ Kanadu praz Čykaha. Jon emihravaŭ z žonkaj Hannaj i synam Zinovijem. U novym zaakijanskim žyćci dziadula Uejna pačaŭ nasić imia Toni.
Nieŭzabavie jon raźvioŭsia sa svajoj žonkaj i paznajomiŭsia z Maryjaj ź Ciarnopalskaj vobłaści Ukrainy. U ich naradziŭsia syn Uołtar, jaki i staŭ baćkam budučaj lehiendy NCHŁ.
Uołtar i Ciarencij (Toni) Hrecki ŭsialak padtrymlivali pačynańni junaha Uejna i jaho zachapleńnie chakiejem. Z tych časoŭ spartsmien pravioŭ vydatnuju karjeru. Jon vystupaŭ za «Edmantan», «Łos-Andželes Kinhz», «Sent-Łuis» i «Rejndžers» u NCHŁ. Uejn Hrecki hulaŭ u NCHŁ pamiž 1978 i 1999 hh. Za 21 hod karjery jon ustanaviŭ 61 rekord lihi.
Najvialikšym dasiahnieńniem źjaŭlajecca najbolšaja kolkaść zakinutych šajb — 894 u 1487 hulniach.
U 2010 hodzie Uejn Hrecki pabyvaŭ u Minsku, pryjechaŭšy na matč zorak KCHŁ. Tady jamu była arhanizavana sustreča z dalokaj siastroj Halinaj Sałdacienkavaj.
Uejn usialak padtrymlivaŭ Aviečkina ŭ honcy taho za pabićciom rekordu i jašče niekalki miesiacaŭ tamu pažadaŭ rasijaninu zrabić heta.
Kamientary