Aviečkin paŭtaryŭ viečny rekord Uejna Hrecki, jaki trymaŭsia 25 hod
Hałoŭnaj intryhaj siońniašniaha siezona ŭ Nacyjanalnaj chakiejnaj lizie było, ci zdoleje rasijski forvard «Vašynhton Kepitałz» Alaksandr Aviečkin dahnać Uejna Hrecki, u jakoha było 894 šajby u čempijanatach NCHŁ.
Siońnia nočču heta adbyłosia. U matčy «Vašyntona», za jaki vystupaje biełarus Alaksiej Protas, suprać «Čykaha» heta adbyłosia, Aviečkin zakinuŭ dźvie šajby i dahnaŭ Hrecki, jaki daŭno skončyŭ karjeru. U chakieistaŭ zaraz pa 894 zakinutyja šajby.
Heta vialikaje i histaryčnaje dasiahnieńnie. U Hordzi Chou, jaki daŭno skončyŭ karjeru, — 801 šajba, u Jaramira Jahra, jaki ŭžo nie hulaje ŭ NCHŁ, 766.
Sidnej Krośbi, jaki pakul vystupaje, maje 619 šajbaŭ.
Tym časam Aviečkin, kab pabić rekord Hrecki i zakinuć 895-ju šajbu, maje ŭ zapasie niekalki matčaŭ. U hetym siezonie jon zakinuŭ 42 šajby.
Uejn Hrecki nastupnym čynam prakamientavaŭ padzieju: «Aleks vydatna zhulaŭ za Vašynhton, vydatna zhulaŭ za svaju krainu. Heta cudoŭna. Ja vielmi hanarusia im. Ja hanarusia tym, čaho jon dasiahnuŭ. I vy viedajecie, što mienavita heta robić našu hulniu takoj cudoŭnaj? U nas jość vydatnyja spartsmieny, ale, što jašče bolš važna, jany dobryja ludzi.
Tak, mienavita heta robić jaho supierzorkaj, praŭda? Jon asablivy. Naša hulnia stanovicca ŭsio lepšaj z kožnym razam. I heta samaje asablivaje».
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary