Cichanoŭskaja nahadała pra 1000 dzion pałonu biełaruskich dobraachvotnikaŭ Dziurbiejki i Dziohcieva
Demakratyčnaja lidarka Biełarusi ŭ svaim zvarocie zhadała pra sumnyja padziei, što adbylisia 26 červienia 2022 hoda pad Lisičanskam.
«26 červienia 2022 hoda biełarusy pałka Kalinoŭskaha trapili ŭ pastku pad Lisičanskam. Ich kamandzir, Ivan «Brest» Marčuk, zahinuŭ. Niekalki bajcoŭ źnikli bieź viestak, a dvoje — trapili ŭ rasijski pałon.
1000 dzion — heta biaskonca doŭhi čas u niavoli. Mienavita stolki našyja dobraachvotniki, Jan Dziurbiejka i Siarhiej Dziohcieŭ, zastajucca ŭ rasijskim pałonie. Ni siabry, ni siemji nie viedajuć, u jakich umovach trymajuć biełarusaŭ.
Ci atrymlivajuć jany ježu i vadu. Ci majuć mahčymaść spać biez strachu za žyćcio. Ci viedajuć jany, što pra ich pamiatajuć, čakajuć… Adzinaje, što viadoma, heta termin, da jakoha Jana Dziurbiejku prysudziŭ sud samaabvieščanaj DNR — 14 hadoŭ kałonii ŭzmocnienaha režymu», — zaznačyła Śviatłana Cichanoŭskaja.
Jana zaznačyła, što sistematyčna padymaje pytańni ŭklučeńnia biełaruskich dobraachvotnikaŭ u śpisy na abmieny praź Ministerstva zamiežnych spravaŭ Ukrainy i Viarchoŭnuju radu, i maje spadzieŭ, što chutka jany atrymajuć šaniec na viartańnie.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary