Śpiavak sa sceny źviarnuŭsia da biełaruskaj siamji.
Mnohija biełarusy ŭ Varšavie praviali ŭčorašni viečar na kancercie śpievaka Valeryja Mieładze. U zale byŭ anšłah, a pieśni Mieładze fanaty choram śpiavali navat u čarzie ŭ harderobnuju i ŭ aŭtobusach pa darozie dadomu.
Viadoma, bolšuju častku natoŭpu składali žančyny, ale i mužčyny taksama byli.
Storys z kancertu publikavali i biełaruskija sielebryciz. Kamanda jutub-kanała «Ovoŝievoz» navat padrychtavała płakat: «Uhadaju vašy pieśni za adnu siekundu». Artyst, darečy, źviarnuŭ na jaho ŭvahu.
Liza Zakreŭskaja, stvaralnica i pradziusarka kanała «Ovoŝievoz», sapraŭdy rychtavałasia i za niekalki dzion da kancertu treniravałasia paznavać pieśni śpievaka ź pieršych not.
Viadučaja «Obyčnoho utra» Maryna Mientusava śpiavała na kancercie razam z televiadučaj «Biełsata» Kaciarynaj Rajeckaj. «Usich demanaŭ vyhulała», — padpisała storys Maryna, dzie tančyć pad pieśniu «Inostraniec».
Valeryj Mieładze sa sceny źviarnuŭsia da biełaruskaj siamji:
— Siońnia na kancert pryjechali mama ź dziaŭčynkaj ź Biełarusi. Jany prajšli ciažki šlach. Niaprosty. Ja viedaju, što i ŭsie vy prajšli niaprosty šlach, kab my siońnia tut sustrelisia. My vielmi-vielmi ŭdziačnyja vam za heta, darahija. Ad usioj dušy.
Žurnalistka Most pytałasia na ŭvachodzie ŭ biełarusaŭ, čamu jany vyrašyli pryjści mienavita na hetaje šou.
— Nu jak ža, — adkazała pieršaja dziaŭčyna. — Heta ž i dziacinstva, i junactva, i maładość. I škoła, i ŭnivier… I ŭsio razam. Takija ŭspaminy. Pa-inšamu nielha było nijak.
Druhaja respandentka taksama nie chavała zachapleńnia artystam:
— Ja lublu Mieładze, ja jaho fanatka ź dziacinstva. Padpiavała zaŭsiody jaho pieśniam. Spadziajusia, budzie ciapier prosta ahoń i Valera zapalić hetuju zału. Ja była na kancercie ŭ Jurmale, ja ni na siekundačku nie paškadavała. Moža, jašče i treci raz pryjdu.
Nahadajem: rasijski śpiavak i pradziusar hruzinskaha pachodžańnia Valeryi Mieładze ŭ pieršy dzień vajny zapisaŭ videazvarot. U im artyst kazaŭ, što molić spynić vajennyja dziejańni: «Ludzi nie pavinny hinuć, heta treba spynić». Praz heta jon u Rasii trapiŭ u čorny śpis artystaŭ.
Ciapier jon hastraluje pa ŭsim śviecie. A ŭ tyktoku kožny raz žartujuć z taho, jak achoŭniki ŭ roznych krainach ździŭlena hladziać na aktyŭnych fanatak śpievaka.
Kali niechta z naviedvalnikaŭ kancertaŭ kaža: «Słava Ukrainie», Valeryj adkazvaje: «Hierojam Słava!».
Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta
Jahor Kryd śćviardžaje, što jamu nie dazvalajuć vystupić u Minsku
Prablemy ź vizami na kancert Karža ŭ Varšavie — biełarusy atrymlivajuć admovy pa niezrazumiełych pryčynach
Rasijski repier Aksimiron apynuŭsia ŭ centry seksualnaha skandału
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie2
Kamientary
I choć mieli takuju postsaviecka-papsovuju maładość, a zaraz nastalhujuć, - z taho momantu prajšoŭ čas, možna było niejak trochi raźvivacca, ci što.
(I antyvajennaja pazicyja Valeryja jak asoby tut nie pry čym).