Спявак са сцэны звярнуўся да беларускай сям'і.
Многія беларусы ў Варшаве правялі ўчорашні вечар на канцэрце спевака Валерыя Меладзэ. У зале быў аншлаг, а песні Меладзэ фанаты хорам спявалі нават у чарзе ў гардэробную і ў аўтобусах па дарозе дадому.
Вядома, большую частку натоўпу складалі жанчыны, але і мужчыны таксама былі.
Сторыс з канцэрту публікавалі і беларускія селебрыціз. Каманда ютуб-канала «Овощевоз» нават падрыхтавала плакат: «Угадаю вашы песні за адну секунду». Артыст, дарэчы, звярнуў на яго ўвагу.
Ліза Закрэўская, стваральніца і прадзюсарка канала «Овощевоз», сапраўды рыхтавалася і за некалькі дзён да канцэрту трэніравалася пазнаваць песні спевака з першых нот.
Вядучая «Обычного утра» Марына Ментусава спявала на канцэрце разам з тэлевядучай «Белсата» Кацярынай Раецкай. «Усіх дэманаў выгуляла», — падпісала сторыс Марына, дзе танчыць пад песню «Иностранец».
Валерый Меладзэ са сцэны звярнуўся да беларускай сям’і:
— Сёння на канцэрт прыехалі мама з дзяўчынкай з Беларусі. Яны прайшлі цяжкі шлях. Няпросты. Я ведаю, што і ўсе вы прайшлі няпросты шлях, каб мы сёння тут сустрэліся. Мы вельмі-вельмі ўдзячныя вам за гэта, дарагія. Ад усёй душы.
Журналістка Most пыталася на ўваходзе ў беларусаў, чаму яны вырашылі прыйсці менавіта на гэтае шоу.
— Ну як жа, — адказала першая дзяўчына. — Гэта ж і дзяцінства, і юнацтва, і маладосць. І школа, і ўнівер… І ўсё разам. Такія ўспаміны. Па-іншаму нельга было ніяк.
Другая рэспандэнтка таксама не хавала захаплення артыстам:
— Я люблю Меладзэ, я яго фанатка з дзяцінства. Падпявала заўсёды яго песням. Спадзяюся, будзе цяпер проста агонь і Валера запаліць гэтую залу. Я была на канцэрце ў Юрмале, я ні на секундачку не пашкадавала. Можа, яшчэ і трэці раз прыйду.
Нагадаем: расійскі спявак і прадзюсар грузінскага паходжання Валерыі Меладзэ ў першы дзень вайны запісаў відэазварот. У ім артыст казаў, што моліць спыніць ваенныя дзеянні: «Людзі не павінны гінуць, гэта трэба спыніць». Праз гэта ён у Расіі трапіў у чорны спіс артыстаў.
Цяпер ён гастралюе па ўсім свеце. А ў тыктоку кожны раз жартуюць з таго, як ахоўнікі ў розных краінах здзіўлена глядзяць на актыўных фанатак спевака.
Калі нехта з наведвальнікаў канцэртаў кажа: «Слава Украіне», Валерый адказвае: «Героям Слава!».
Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта
Ягор Крыд сцвярджае, што яму не дазваляюць выступіць у Мінску
Праблемы з візамі на канцэрт Каржа ў Варшаве — беларусы атрымліваюць адмовы па незразумелых прычынах
Расійскі рэпер Аксімірон апынуўся ў цэнтры сэксуальнага скандалу
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты20
Каментары
І хоць мелі такую постсавецка-папсовую маладосць, а зараз настальгуюць, - з таго моманту прайшоў час, можна было неяк трохі развівацца, ці што.
(І антываенная пазіцыя Валерыя як асобы тут не пры чым).