Viadomy rasijski repier Aksimiron (Miron Fiodaraŭ) apynuŭsia ŭ centry surjoznaha skandału paśla vychadu rasśledavańnia ŭ padkaście «Dačka razbojnika». Try dziaŭčyny publična abvinavacili muzykanta ŭ hruminhu (adnosiny ź niepaŭnaletnimi z metaj zavajavać ich davier i spakusić), kali im było 13-15 hadoŭ, a jamu kala 23 hadoŭ. U materyjałach rasśledavańnia pradstaŭleny pierapiski i śviedčańni paciarpiełych. Asnoŭnaje z rasśledavańnia pierakazvaje Insider.
Adna ź dziaŭčat, 32-hadovaja Viera Markovič, raskazała, što paznajomiłasia ź Fiodaravym, kali joj było 15 hadoŭ i jana vučyłasia ŭ Łondanie. Muzyka pracavaŭ apiekunom u kampanii, jakaja dapamahała rasijskim školnikam adaptavacca za miažoj. Pa słovach Markovič, padčas adnoj ź viečarynak repier «zaniaŭsia ź joj seksam», pakul jana lažała nieruchoma, adčuvajučy siabie «paralizavanaj». Paśla hetaha incydentu Fiodaraŭ staŭ paźbiahać znosin ź dziaŭčynaj i ihnaravać zvanki jaje baćkoŭ.
Druhaja dziaŭčyna, 29-hadovaja Vika Kučak, śćviardžaje, što Aksimiron pačaŭ pierapisvacca ź joj, kali joj było ŭsiaho 13 hadoŭ. Pavodle jaje słoŭ, repier pisaŭ joj pra svaje «razbeščanyja fantazii» i žadańni zaniacca ź joj seksam. Kali Kučak spoŭniłasia 16 hadoŭ, jana sustrełasia ź Fiodaravym paśla jaho kancertu va Ufie, dzie, jak śćviardžaje dziaŭčyna, jon zaniaŭsia ź joj seksam. «Try hady hrumić dzicia, jakomu było 13 hadoŭ, a potym zaniacca ź im seksam — heta zhvałtavańnie», — zajaviła jana ŭ padkaście.
Treciaja achviara, 32-hadovaja Vika Michajłava z Dnieprapiatroŭska, padzialiłasia skrynšotami pierapiski z repieram, u jakich 23-hadovy Fiodaraŭ pisaŭ joj, 15-hadovaj u toj čas dziaŭčynie, nieprystojnyja paviedamleńni seksualnaha charaktaru, adpraŭlaŭ spasyłki na parnahrafiju i prapanoŭvaŭ sustrecca dla seksu. Pa słovach Michajłavaj, muzyka vykarystaŭ «kłasičnyja piedafilskija manipulacyi», kažučy kožnaj niepaŭnaletniaj dziaŭčynie, jakija jany «stałyja» i «mudryja» dla svajho ŭzrostu. Michajłava nie stała sustrakacca ź Fiodaravym, tamu što, pa jaje słovach, bajałasia jaho.
Na sajcie, pryśviečanym rasśledavańniu, raźmieščany aŭdyjapaviedamleńni dziaŭčat i skrynšoty ich pierapisak z Aksimironam.
Sam repier na prośbu prakamientavać historyi ničoha nie adkazaŭ.
U kancy 2024 hoda jon pieranios svoj tur na 2026 hod, patłumačyŭšy heta «stanam zdaroŭja».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha12
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu104104
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu104
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Ni odna iz nich nie zajaviła, čto sieks s nim stał dla nich piervym v žiźni opytom...
Po biełorusskim normam UK užie možno i rańšie, hłavnoje, pośle požieniťsia.