U Mahilovie piaciarych čałaviek asudzili za padpał kijoska ŭ žniŭni 2020 hoda
12 sakavika sud Leninskaha rajona Mahilova vynies prysudy piaci žycharam Mahiloŭskaj vobłaści. Ich pryznali vinavatymi ŭ chulihanstvie i psavańni majomaści, piša Mayday.team.
Pavodle paviedamleńnia mahiloŭskaj prakuratury, abvinavačanyja ŭnačy ŭ žniŭni 2020 hoda padpalili handlovy kijosk u adnym sa spalnych rajonaŭ Mahilova. Kijosk nie zhareŭ i paciarpieli tolki paneli jahonych ścien.
Pavodle infarmacyi Mayday team, padsudnymi na pracesie byli Jaŭhien Puciankoŭ, Jan Rahaŭcoŭ, Juryj Hałačkin, Viktar Ičenski i Alaksandr Ihnacienka.
Sudzili mužčyn pa č. 2 art. 218 KK RB («naŭmysnaje źniščeńnie albo paškodžańnie čužoj majomaści») i č. 3 art. 339 KK RB («chulihanstva»). Praces išoŭ z 4 pa 12 sakavika, viała jaho sudździa Śviatłana Kacapava.
U vyniku adzin z abvinavačanych asudžany da pazbaŭleńnia voli na termin 6 hadoŭ va ŭmovach strohaha režymu, druhi — na 5 hadoŭ i 6 miesiacaŭ va ŭmovach uzmocnienaha režymu, a astatnija troje — na 3 hady pazbaŭleńnia voli va ŭmovach uzmocnienaha režymu.
Viadoma, što na momant suda dvoje z abvinavačanych užo adbyvali pakarańnie ŭ kałonijach pa raniej vyniesienych prysudach. Vierahodna, havorka idzie pra Jaŭhiena Puciankova i Jana Rahaŭcova. Pieršy ŭ 2023 hodzie byŭ asudžany sudom Kaściukovickaha rajona za machlarstva, druhi ŭ 2024 byŭ fihurantam kryminalnaj spravy ab machlarstvie i kradziažy ŭ sudzie Kryčaŭskaha rajona.
Jašče dvoje čałaviek da suda znachodzilisia pad vartaj, adzin — pad chatnim aryštam.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary