Bundestah pryniaŭ finansavy pakiet, jaki praduhledžvaje šmatmiljardnyja inviestycyi ŭ abaronu i infrastrukturu.
Niamiecki parłamient uchvaliŭ źmianieńnie ŭ Kanstytucyi, jakoje patrabavała ekanomna raschodavać biudžetnyja srodki. «Tormaz» dazvolena asłabić dla vydatkaŭ na abaronu i dla patreb fiederalnych ziamiel, raspaviadaje Deutsche Welle.
Paśla składanych pieramovaŭ i šerahu sastupak kansiervatyŭny błok u składzie CHDS/CHSS i sacyjał-demakratyčnaj partyi Hiermanii (SDPH) damahlisia padtrymki pahadnieńnia z boku partyi «Sajuz-90»/«Zialonyja».
Sumiesna jany majuć 520 hałasoŭ u Bundestahu, što na 31 hołas bolš, čym patrabavałasia dla bolšaści ŭ dźvie traciny hałasoŭ, nieabchodnaha dla ŭniasieńnia papravak u Kanstytucyju FRH.
Ciapier u krainie buduć rezka pavyšany vydatki na abaronu, abaronu hramadzianskaha nasielnictva i raźviedku. Vydatki vyšej za 1% VUP nie buduć uličvacca ŭ raźliku abmiežavańniaŭ na zapazyčańni.
Budzie stvorany śpiecyjalny fond na 500 miljardaŭ jeŭra na inviestycyi ŭ infrastrukturu ŭ bližejšyja 10 hadoŭ. 100 miljardaŭ jeŭra ź ich buduć nakiravanyja na mierapryjemstvy, źviazanyja sa źmianieńniem klimatu.
Vydatki na dapamohu dziaržavam, «jakija padvierhlisia napadu ŭ parušeńnie mižnarodnaha prava», taksama nie buduć uličvacca pry raźliku dachodaŭ i vydatkaŭ.
Źmieny dazvolać adychodziačamu z pasady kanclera Ołafu Šolcu padpisać pakiet dapamohi Ukrainie ŭ 3 miljardy jeŭra ŭžo na nastupnym tydni, udakładniaje Bi-bi-si.
-
U Litvie stabalnikaŭ premirujuć niemałymi hrašyma. A ich nastaŭnikaŭ — jašče bolšymi. Ale sioleta sistema ledź nie złamałasia
-
Alijeŭ paraiŭ Ukrainie nie zhadžacca na akupacyju. Z-kanały zaklikajuć rychtavacca da vajny z Azierbajdžanam
-
U pasažyrskaha Boeing 767 padčas palotu ŭ ZŠA zahareŭsia ruchavik
Ciapier čytajuć
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ6
Kamientary